State Attorney General 17 bak nih President Trump an dirpi ning kong le Obama nih Covid he pehtlaih in Wuhan tangka in a bawm ning

Chinpage nih a tim bik mi cu thawngpang dik lo mi karlakah thawngpang a dik mi le a hman mi Chinpage reltu sin ah theiter le tial hi a si. Nifatin US thawngpang 4/5 na rel  khawh peng nak ding caah Chinpage hi Follow/Like tuah ding in kansawm hna

Tu lio US thawngpang hi zei hi dah a hman mi si lai, zei hi dah a hman lo mi si lai ti theithiam a har tuk cang. US media hi buu hnih an um i, Democrat le Republican lei a dirpi Liberal le Conservative an si caah News Source thatein kan zoh buin palnak tampi a um kho mi a si

Mah bantuk a si caah Chinpage reltu sin ah a hman mi thawngthanh ka duh caah news source hna hi a hman mi a si maw ti hi state le Department Twitter hi ka zoh hmasa lengmang tawn mi a si

Texas nih State 4 sin ah taza a cuainak kong ka vun tial cang kha, cun state pathum nih Texas State an vun dipri/hrawm mi kong zong ka tial cang kha. Atu cu US state dang dang 17 Attorney nih President Trump an vun dirpi ning ka vun tial lai

President Trump hi US State dang dang Attorney General 17 nih an vun dirpi cang i, Mah State Attorney nih hna cu, Missouri, Alabam, Arkansas, Florida, Indiana, Kansas, Louisiana, Missisippi, Montana, Nebraska, North Dakota, Oklahama, South Carolina, South Dakota, Tennessee, Utah le West Virginia hna an si. 2020 Election buainak kong he pehtlaih in thil dik mi le a hman mi thei a si khonak ding caah tiin Trump an dirpi ning an vunlangter ve cang

House republican pawl he kum 2020 election dik lo tuk mi langter ding in rian an tuan ti cang lai. Mi tampi nih zeidah a law lai ti hi an zoh cang mi a si.

Natein thawmgpang chia pakhat a vun chuak hoi i, Nevada lei ah Supreme Court nih Trump Team pawl lawsuit cu evidence nan langter mi hi a thawng lotuk tiin lawsuit a cohlan piak duh lo

Texas Attorney General (AG) bawmhnak ding caah Trump campaign pawl nih lawsuit US supreme Court ah an chuah pi than lai. Asi lo a cun, Federal Government petition hmangin intervener (buainak ah a thlak tuk) ah an um lai.

Mah bantuk in thil a si a cun, Attorney Bill Barr le Solicitor General Jeff Wall hna cu election integrity kongah heh tiah rian an tuan a her cang lai tinak a si kho. Rudy Giuliani star witness Mellisa Carone nih thil mak tuk mi a vun chim than hoi. Origins of the Virus Covid kong a vun chim i,

“Obama nih China Wuhan cu Covid wernak caah tangka tampi a bawmh” tiin a chim. Democrats pawl nih an thazang dihlak  in thil tha lo tuah an nih tim. Dominion software cu fir le hlennak caah an hmang. Dominion voting machine ah thil dik lo le a hman lomi tampi hmuh ding a um.

Supreme Court ah Trump nih mi 3 a thim mi an um, Republican President nih an rak thim mi he cun paruk (6) an si.  Thawngpang a linsa chin lengmang caah Chinpage nih tu tan US buainak kong he pehtlaih in thil sining Chinpage like le following tu sin ah up date kan vun tuah lengmang lai.

President Trump hi kum 2016 election nak in 2020 ah vote 12 million in a hmuh tam. Texas Sen Ted Cruz, Trump defender pasal nih US supreme Court nih legal battle a ceih a cun oral speech ngei a tim tiin a chim.  Source-Theepochtimes

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "State Attorney General 17 bak nih President Trump an dirpi ning kong le Obama nih Covid he pehtlaih in Wuhan tangka in a bawm ning"

Leave a comment

Your email address will not be published.


*