Supreme Court nih Pennsylvania ah biakhianak a tuah mi; US mipi nih zeidah a cang lai ti an zoh cang ko

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

Tu kum 2020 Election thimnak cu a buai tak tak, Trump nih a rak chim cang bantuk in Mail in ballot hi cu a buai tuk lai tiah fakpi in a rak au pi, Natein Nancy Pelosi le a rian tuan hawi hi he tiah an cawlcang ve caah Mail in ballot cu state tampi ah hmang a si

Tu tiang President a si ding mi fiangtein thawngthanhnak tuah a si lo, Biden nih Electoral vote 300 hrawng kan hmuh lai caah President ka si cang tiin thawngthanhnak a tuah. House Speaker Nancy Pelosi zong nih Biden cu President elect a si cang tiah press conference a tuahnak ah a chim

Mail in ballot ruangah buainak fakpi a um caah, Trump team nih Supreme Court ah lawsuit an ap mi kongah Supreme Court nih biakhianak a tuah cang

US Supreme Court order thar a cun, Pennsylvania lei ah mail-in ballots a hnuah a ra mi poah cu a dang in rel ding in biakhianak an tuah cang.

Pennsylvania ah hin Joe Biden nih 28,000 votes leng in Trump a tei lio a si. Pennsylvania counties vialte nih Justice Samuel Alito biakhianak bantuk in Friday zanah vote a hnu ah a ra mi an rel lai

Pennsylvania Secretary of State Kathy Boockvar nih cun county boards pawl hna cu thatein thleidang ding in nawl a pek cang hna

Biden 0.4% lead, 49.6% Trump’s 49.2%- The Associated Press , vote hi an rua ning bantuk in rang deuh in rel kho a si lai lo. provisional ballots tampi rel ding a um. Credit-RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Supreme Court nih Pennsylvania ah biakhianak a tuah mi; US mipi nih zeidah a cang lai ti an zoh cang ko"

Leave a comment

Your email address will not be published.


*