US mipi nih Nikhat Ni ah thil a cang ding mi kong theih an duh tuk cang

America hi vawlei cung ram ropui bik a si bantuk in, a buai bik ram pakhat zong a si, Politic ruangah an buai ning hi a fak tuk cang caah daihnak tuah cu a har tuk mi thil a si cang.

Joe Biden nih remnak/dainak (Unity) heh tiah a aupi. Natein zeihman a si lai lo an ti cang tiin media tampi nih an tial cang

President Donald Trump nih West Palm Beach Golf Club, Christmas zingah Sen. Lindsey Graham, top Congressional ally he an kal ti, President Trump nih minung pakhat sin ah Covid bawmhnak $600 phawt cu tlawm a ti tuk

$2000 tal si seh tiah a duh ning voihhnih bak a chim cang. Mah bantuk a chim hnuah Congressional Republicans pawl nih an cohlan lo

Nikhat Ni/Monday hi American shutdown caan a si cang,  Nikhat ni ah Nancy Pelosi nih Congress member cu Covid bawmhnak kong ceih ding in theiternak a tuah cang hna

Trump nih mah bantuk in a tlawmtuk mi Covid bawmhnak $600 check ah min thutnak a tuah duh lo, Trump nih min thutnak tu tiang a tuah duh lo caah Lawmaker pawl zong nih thil sining an thei thiam ti lo

Trump nih mah bantuk caan har le mipi nih an tuar tuk lio ah, Politicians pawl nih $600 lawng phawt cu a thei thiam lo i, min thutnak a tuah duh lo

Politico report nih alangter ning a cun, President Trump nih stimulus checks  cu last minute ah min thutnak a tuah lai tiah tiin a tial

14 million Americans leng unemployed an phan cang i, Caan hartuk mi an tawn lio a si. Mah bill ah min thutnak a tuah duh lo a cun Nikhat Ni/Monday ah   American shutdown a um than lai. Source-Politico

Be the first to comment on "US mipi nih Nikhat Ni ah thil a cang ding mi kong theih an duh tuk cang"

Leave a comment

Your email address will not be published.


*