Thantlang Khuah nih Covid-19 he pehtlaihin an thil tuah ning cu uar um tak tak. zohchun tlak an si

Thantlang ah manlo thilri cawkpiaknak (Free Home Delivery Service) kong cawn- piaknak an tuah. Thantlang ah Thantlang COVID-19 Community hna nih manlo thilri cawkpiak (Free Home Delivery Service) ningcang cawn- nak an ngei, tiah May 7 ah  theih a si

Hi kong he pehtlai in Thantlang COVID-19 Volunteers team ah leader a si mi Salai Kep Chin Thang nih, “Kan team leader chungtel a si mi Dr. Victor Chan Bawi Lian le Dr. Biak Tha Zon nih pumpak i runvennak kong le thilri cawkpiak le phawtzamh ning- cang an kan chimh. Cun hitin nan tuah lai ti mi hmuhsaknak (practical) zong tling tein an kan chimh. Atu tiang ah volunteers tuan ding in min a pe mi kan dihlak minung 58 kan si,” tiah  a chim.

“Hi kan tuahnak a ruang hi hmailei ah Thantlang khua hna ah zawtnak a ngei mi an tam sual i khuachung lockdown an tuah sual ahcun chungkhar herhhai cawk a herh lai ca ah manlo thilri cawkpiaknak (Free Home De- livery Service) kong hi a kan cawnpiaknak a si. Zeitik in dah thok a si te lai ti cu boruak zulh in kan thanh than te lai,” tiah Salai Kep Chin Thang nih a chimchap.

Thantlang Volunteers phu hi Thant- lang ah Facility Quarantine an chiah mi hna zohkhenh le COVID-19 kong he pehtlai in a herhnak poh ah a cawlcaang cuahmah mi an si, tiah kan theih.

>Hi thawngpang hi The Hakha Post nawlpeknak in kan rak langhter mi a si. Ahohmanh nih duhpoh in i laakchin khawh a si lo

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Thantlang Khuah nih Covid-19 he pehtlaihin an thil tuah ning cu uar um tak tak. zohchun tlak an si"

Leave a comment

Your email address will not be published.


*