Thantlang Peng ah CNLD caah cun hna a ngam ngai cang tinak si cang ko hi

Thantlang Playground ah NLD vs CNLD zoh hnik usih law- UNION lei MP cu kaltak rih in Chin State MP/MLA dirhmun kan zoh tuah lai.

Chin State Hluttaw No 1 hmun caahhin NLD lei in Pu Chan Ham a kai. Pu Chan Ham hi mizapi nih an uar tuk lem lo tiah bia a leng. A dik ahcun, CNLD caah good news ngai a si lai tinak a si. Hi hmun/No.1 ahhin CNLD lei in Pu Lal Maung Cung aa cuh ahcun, a mitku a thaw ngai lai tinak a si.

NLD local upa nihhin Pu Stephen Vanbik an ti maw, a mah kha rak thlah/kaiter hna sehlaw CNLD cu an col kho bak hnga lo tiah Pu Stephen Vanbik an zumhnak kong bia hna a leng. Asinain Pu Chan Ham zong cu gym a tuah colh ve lai i, a nicaan a phak tikah a tthawng ngai khomi thiam a si ve. USDP lei dirhmun belte cu a ruah awk ka hngal lo.

Chin State Hluttaw No 2. NLD lei in Pi Ni Sui Lian an karhter. USDP lei in Dr. Hmuh Thang a si ve lai. CNLD lei in Pu Rung Kaw a si lai tiah an zumh. Anmah pa 3 hi an rih-zan/ weight aa tluk bakmi an si.

Dr. Hmuh Thang le Pi Ni Sui Lian hi Zophei veve an si caah, Zophei Vote cu aa tthen te lai. Lautu lei vote hi aa fun lai. Mara area hi playground a si te lai. Cucaah, CNLD lei in Pu Rung Kaw aa cuh ko ahcun, a caah advantage tampi a um tinak a si.

Cucaah, Thantlang Peng in, Chin State Hluttaw No 1 le No 2 hmun ahcun CNLD an dirhmun a von iremh sup tinak a si. USDP le CNLD candidates pawl an ifiang tikah fiang deuh in predict tuah khawh a si te lai. By- Zasang Cinzah

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor