Thawngpang chia a si hoi cang ee!!! Ceilak in motor kah piak an si hoi cang. AA hi kan ralbik an si ti a fiang tuk cang

A fiang tak tak cang, kawl ralkap nih ralzam pawl caah fakpi in an nih zuam ti a fiang cang, Natein AA cu kan ral a si ti a fiang chin lengmang cang. Tu lio Laitlang lei ah thawngpang hna cu thawngpang chia lawngte a si, thawngpang kan thei mi hna hi Pathian lei ah fakpi in kan kalnak le kan zumnak thawngternak caah kan hmang a hau cang.

Ralkap le AA pawl i tukruangah Sami ramzal  caah Facang a phortu motor WFP cu meithal in kah a si hoi cang. Mah bantuk in mi tampi rawltam in an um lio ah ei ding a phortu motor hna fakpi in kah an si lengmang mi cu hna a ngam kho hrim lo

April ni 29 zaan lei ah Paletwa ram chungah AA le kawl ralkap taltuknak ruangah mah le inn ah um ngam ti lo in ralzam dirhmun a phan mi hna sin ah ei ding pek ding in a kal mi World Food Prgramme motor cu ceilak in an kah tthan tiah thei a si

Mah facang tung 1000 phortu ding ah motor 5 cu kawl ralkap nih an zul i, mah bantuk in kawlrap nih an zul ko nain AA an si lai tiah zum mi nih fakpi in motor cu an kah tthan tiah One New Myanmar nih a chim. Motor mawngtu pakhat zong meithal kah ruangah fakpi in hma a hmuh ve tiah source nih achim. Motor an kahnak hmun hi Sami khua in Meters 10,000 hrawng ah  si tiah theih a si. Source- One News Myanmar

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Thawngpang chia a si hoi cang ee!!! Ceilak in motor kah piak an si hoi cang. AA hi kan ralbik an si ti a fiang tuk cang"

Leave a comment

Your email address will not be published.


*