Thawngpang chia; Chinmi nih cun kan hruaitu pawl bia kan ngai a her, mah bantuk thil kan tuah ding a si lo

Khuabawi le hruaitu nih coronavirus in kan himnak caah an chungkhar nupi le fa he thatein um kho lo in ram le mipi caah rian an ttuan lio ah mah bantuk in rian ttuantu cungah thil tuah cu ttih nung tuk mi le thil thalo tuk mi a si

Coronavirus in zawt ruangah na thi hrim hrim lai tinak a si lo, a dam than mi tampi an um, cucaah mah le ngandamnak thatein theih i zuam ding a si, tlawmpal damlo ah cun siizung rian ttuantu sin ah report a rang khawh in tuah ding.  Mah bantuk in kan tuah ah cun mah coronavirus zawtnak in kan mah le chungkhar le khuami tampi kan khamh lai tinak a si

Mekthilla khua ah Yangon in a ra mi pakhat cu inn zakhat hruaitu pakhat nih thil sining va hal ding in a inn ah a vakal, cozah nih quarantine ni 28 tuah ding an ti mi kongah fakpi in bia alnak a chuak caah inn ngeitu nih inn zakhat houtu cu nam in fakpi in namtawn in a lu ah a tuk i, inn zakhat houtu hi siizung lei ah a rangkhawh in kalpi a si, Inn zakhat hruaitu cu sibawi pawl nih a lu le kut cu an thit piak. Yangon in a ra mi hi palik nih case an tuah piak- CSM

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo. English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah zong nih ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Chingpage Editor

 

Be the first to comment on "Thawngpang chia; Chinmi nih cun kan hruaitu pawl bia kan ngai a her, mah bantuk thil kan tuah ding a si lo"

Leave a comment

Your email address will not be published.


*