Thawngpang tha-$2000 bawmhnak kongah Mitch McConnell nih thawngpang a vun chuah pi than

US um, Chinmi caah zong ah ruahchannak ngantuk mi a vun chuak than cang hi. Politic ruangah US mipi nih an hmuh ding mi Covid bawmhnak cu tiang an hmuh kho ri lo.

President Trump nih US mipi nih an tuar tuk cang, a rang nak in ceih cang u a ti hnu ah mah bawmhnak kong hi ceih a si. Trump nih a tlawm bik ah $2000 si seh tiah a rak ti mi cu House ah passed a si hnuah Senate ah Majority Leader Mitch McConnell nih a block piak hna.

Mah hnuah Trump nih $2000 cu phawt hrim u tiah heh tiah a chim peng. Atu cu Senate Majority Leader Mitch McConnell nih, Nithum Ni ah mah Coronavirus bawmhnak kongah thawngpang dang a vun chuah pi than hoi.

Mah Covid bawmhnak minung pakhat ah $2000 phawt si seh ti nan duh tak tak a si a cun, thil dang pahnih nan cohlan ve a her tiin a chim

Mah pahnih a chim mi cu, Trump nih a rak chim peng mi, Google, Facebook le Twitter pawl caah a si lai. Mah cu Section 230 hi a si. Mah Section 230 hi online Platforms pawl vennak phunglam a si

Senate Majority Leader Mitch McConnell nih a chim mi cu, Minung pakhat ah $2000 bawmh an si a cun, mah section 230 hi kan rem than a her tiin Democrat pawl hna cu duh thimnak a tuah piak hna

Cun pakhat a chuah pi than mi cu 2020 President election kong hi a si. Tu tan Election hi Election Assistance Commission nih heh tiah thil sining a zoh than lai tiin. Democrat pawl nih zeitin dah an leh lai ti a fiang rih lo. Source-Foxnews

Be the first to comment on "Thawngpang tha-$2000 bawmhnak kongah Mitch McConnell nih thawngpang a vun chuah pi than"

Leave a comment

Your email address will not be published.


*