Thawngtha bak si ko hi; Trump dohtu Media hna cu FDA lei nih ralrinnak an pek bak ko cang

President Trump le Fake News Idohnak, White house task force hna nih Friday zanlei i press conference an tuahnak ah President Trump cu, disinfectants injection kong he pehtlai in bia an hal tthan. President Trump nih bianek/bia-eng “Sarcastic” in bia nan ka hal lengmang caah, bianek/bia-eng in ka leh vemi hna si ko” tiah a leh hna.

 

Thursday Press Conference ah khan President Trump nih Innchung le rest room i thianhhliamnak ah kan hmanmi, “Disinfectants [ bleach and isopropyl alcohol ] nih cun minute pakhat ah rungrul vialte a thah dih hna. Cu bantuk in, kan chung lei ah rawn in hneksak tuah usih law zeidah a lawh hnga” tiah bia-eng in a chimmi cu Trump a dotu meida pawl nih bom puak bak in chun zan in a puak colh.

President Trump a dotu, CNN, NBC, MSBC le Washington Post nih cun Trump biachimmi hi bia-eng si lo, a chim taktak mi a si ko” tiah thawng an zamh tik ah mi tampi an lau ter hna caah FDA tiang nih ralrinnak an pek hna.

Trump nih zei bantuk bia a chim zongah Democrats a ttanhtu liberal media pawl nih an duhning poah in an kuaih, an merh piak lengmang caah President Trump nih bia-eng in a chimmi zong a dikmi bantuk in mipi kha fake news an pek lengmang hna caah Friday Press Conference zong caan tawite lawng an tuah. Salai Lairamthang

Be the first to comment on "Thawngtha bak si ko hi; Trump dohtu Media hna cu FDA lei nih ralrinnak an pek bak ko cang"

Leave a comment

Your email address will not be published.


*