Thawngtha bak, Trump mee apek duh lo mi nih 2020 election ah mee kan pek cang lai an ti cang

Southern Bapitst Hruaitu Nih Trump A Dirkamh . America Evangelicials hna lak ah minthang bik pakhat a simi, Richard Albert Mohler Jr. nih 2020 thimnak ahcun President Trump ka vote cang lai tiah Washington Post ah a chim. Albert Mohler cu Southern Baptist Theological Seminary ah President a tuan liomi a si.

2016 lio ah Albert Mohler nih Donald Trump cu a rak zumh lo caah thimfung a pe duh lo. HIlary Clinton zong democratic Party a si i, khrihfa zumhnak he a kalhmi policy an ngeih caah thimfung a rak pe hlei lo. Thimfung thla loin a rak um.

Asinain Donald Trum nih mithmuh in khrihfa hna zumhnak a dirkamh, supreme court ah khrihfa zumhnak a dirhpi mi, Supreme Court biaceihtu ding, Neil M. Gorsuch le Brett M. Kavanaugh cu biaceihbawi rian a pekmi hna le religious liberty a fehter caah atu bantuk in a lung a thlennak cu a si. 2020 hnu lei US President Thimnak poah ah ka thih hlan tiang in Republican lawng vote ka pek cang hna lai tiah a chim.

Albert Mohler nih a chimmi cu,”khrihfa a simi paoh nih President kan thim tik ah kan zoh dingmi cu:same sex marriage timi, nule nu, pale pa thit-umhnak, nau hrawh, [abortion ] religious liberty [ Zumtu hna zalonnak ] supreme court ah khrihfa zumhnak a dirkamtu [ supreme court nominee ] hna zohchih in thimfung kan thlak ding a si” tiah a chim. 2016 lio ah Evangelicals 80% rengo nih Donald Trump cu vote an pek ti a si. Albert Mohler nih a tuakning ah 2020 ahcun 80% nak in a sang deuh lai tiah a chim. Credit- Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Thawngtha bak, Trump mee apek duh lo mi nih 2020 election ah mee kan pek cang lai an ti cang"

Leave a comment

Your email address will not be published.


*