Thawngtha; China cu ceilak in doh a si cang lai. Tangka a liam duh lo zawng ah a ngeimi cuh a si lai

China cungah mah bantuk thil tuah hi an duh lo, natein China nih tu tiang bia hman le dik a chim duh lo caah le China nih WHO sin ah Coronavirus hi minung le minung i chawnh khawh a si i, vawlei cung ramkip ah rangdeuh in theiternak tuah duh hla tiah a rak ti ning vialte an thei dih cang caah an duh zong duh lo zong ah China cungah mah bantuk thil hi tuah a her cang

Coronavirus ruangah American Covid-19 Patients (damlo) le Bussiness cheuh nih China cungah an thinhuntuk ve cang i, China phuhlamnak ding caah tu hi file 9 hrawng a lut cang i. Mah pakua ah pariat hna cu Class Action Lawsuit hi a si. Attorney General Eric Schmitt of Missouri nih an state aiawh in Missouri lawsuit a file cang


United State ah a damlo mi hi, 1,356,650 confirmed cases & 80,308 deaths an si cang. Lawsuit 8 potential class actions hi mipi le business caah a si. Thil pakhat a um tthan mi cu Foreign Sovereign Immunities Act nih China cu fakpi in a khamh ve, Natein mah hi President Trump nih a duh ah cun “China Sovereign Immunity” hi a phih khawh.

Lawsuit filed atuahtu pawl lawyers nih cun Coronavirus rungah an sungmi dihlak tehteh an ngei khawh a si ah cun China Cozah nih rulhnak (Compensation)  a pek duh lo hman ah Chinese bank accounts/assets hna cu an chuh khawh ve. Miami federal court, Jeremy Alters of Berman Law Group pawl nih Communist Party cu  fakpi in an doh ve cang.

President Donald Trump, German Chancellor Angela Merkel, French President Emmanuel Macron, Australia’s Foreign Minister Marise Payne te pawl nih China Transparency (China nih Coronavirus ah a thimi le zawtmi le Virus hramthawknak) an zum kho lo. Trump Administration, 22 Republican lawmakers nih International Criminal Court ah China cu dantat an duh ti an rak chim cang.Source- Dailymail

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Thawngtha; China cu ceilak in doh a si cang lai. Tangka a liam duh lo zawng ah a ngeimi cuh a si lai"

Leave a comment

Your email address will not be published.


*