Thawngtha; Coronavirus sii cu September thla in zuar a si cang lai

Zaangfah in lih le hrokkhrawl nan ka ti hlan ah ka ca hi rel hmasa u law, nan rel duh lo ah cun english in businesstoday.in ah “Coronavirus vaccine update: AstraZeneca ‘on track’ to roll out vaccine in September” ti kha rel khawh a si lai.

Chinmi tampi cu thil thei i zuamnak lungput kan ngei lo tuk ruangah thawngpang tial zong hi tih nung ngai cang. Soisel le thangchiat lawngte si. August thla kum 2019 ah Wuhan Khualipi ah Coronavirus hmuh a rak si cang tiah Havard research nih an chim mi kha tial ka duh ngai, natein Chinmi tampi cu thil thei i zuamnak lungput ngei lo in midang soisel le thangchiat kan uar tuk caah nan ka soisel tuk lai i ka facebook account a minchiat tuk sual lai ka ti i ka ttial duh lo. Mah kong hi news nganpi NDTV, Moneycontrol.com, CNBC, Theguardian ah rel khawh a si

Cun Frence ah mi pakhat cu December 27 kum 2019 ah a dam lo i, siizungah  zohkhen a si, a dam tthan hnuah siizung in a chuak. Cun Febuary thla ni 24 ah a dam lo tthan caah siizungah chia a si tthan. Test an tuah i Coronavirus a rak ngei. Mah pa kha December ah siizungah damlo ruangah a rak um cang mi kha a si.

December ah a thisen sample sibawi nih an lak mi kha test an ttuah tthan i coronavirus a rak ngei diam, December ah coronavirus a rak ngei cang tinak si cu. Mah kong hi news ngan kan ti mi, BBC, Nyowrktimes. Washingtongpost. Thehindu, Economic pawl nih an ttial dih. Natein Laimi sin ah cun ttial ngamding a si lo, a ruang cu, tangka kawlnak maw na thei lo, na sifaktuk i, lih le hrokhrawl lawngte ti bantuk comment a tamtuk lai caah tiin ka ttial ngam lo

British Pharamaceutical ngan ASTRA ZENECA nih a ttuanti mi OXFORD UNIVERSITY nih Covid-19 vaccine AZD1222 an hmuhchuak mi cu UK, India, Switzerland le Norway ah an ser thluamah lio a si. AZD1222 Vaccine hi minung 100, kum 18-55 hna sin ah trail an tuah mi cu a hlawhtling ngai. Tu hi minung 10,000 hrawng test ding in timtuahnak ngei lio a si.

Mah minung 10,000 leng (Human trial result) hi August thla chungah thei dih a si cang lai i, an dihlak cungah a hlawhtling ah cun September thla thawk in zuar ding in timtuahnak ngei a si. Mah sii hi a hlawhtling a si ah cun USA caah 400 million doses le UK caah 1 million doses vaccine siam ding in hnahtlaknak  an tuah cang. 2021 kum June thla ah cun 2 billion doses vaccine siam khawh ding in lam fakpi in an kawl lio a si. Source-Businesstoday

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Thawngtha; Coronavirus sii cu September thla in zuar a si cang lai"

Leave a comment

Your email address will not be published.


*