Thawngtha; Hakha ah Facility Quarantine chiah mi minung 8 hna cu

Hakha ah Facility Quarantine chiah mi minung 8 an thlah than cang hna, COVID-19 zawtnak he pehtlai in Hakha khua- chung ah Facility Quarantine chiah mi minung 143 chung ah minung 8 ni 21 an erhkhumh mi a nicaan a tlin cang ca ah May 7 ah an thlah than cang hna tiah  theih a si.

Hi kong he pehtlai in Hakha Penguk Zung Lutlai U Myint Oo nih, “Hakha khuachung lawng ah ram-leng lei in a rak tlungmi telh in May 5 tiang ah 143 Facil-ity Quarantine ah chiah an si.

Minung zeimawzat cu zawtnak chek an si cang. Atu a chuak mi hna zong hi zawtnak chek an si hnu a phichuak negative an si ca ah atu bantuk in chuahter hi an si. Facility Quarantine in ni 21 erhkhum an si i, an chuah hnu zong ah Stay Home in ni 7 chung an um rih lai,” tiah a chim.

Ngandamnak Zung nih an dam ko tiah thawng a thanh i an chuahter mi hi Hakha khuachung lawng ah minung 8 an si cang i Chin Ramkulh chung zawtnak chek mi minung 298 chung ah zawtnak ngei pakhat an hmuh i Hakha sii-innpi ah thlopbul a si tiah  theih a si

>Hi thawngpang hi The Hakha Post nawlpeknak in kan rak langhter mi a si. Ahohmanh nih duhpoh in i laakchin khawh a si lo,”

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor