Thawngtha tak tak; Trump nih Covid sii thawngthannak atuah cang; Democrat pawl mangchia a si tthan hoi

Mah kong hi ka ttial cang ruah ka ti i, natein ka rak ttial lo caah thei hertuk mi le thawngtha tuk mi, Democrat pawl caah thawngchia tuk mi le an lungput fih  nung ning alangnak pakhat a si caah vun ttial ve hrim hrim kha tha ka ti caah ka vun ttial mi a si

Mah chinpage ah US thawnpang 4/5 ni fatin ka ttial peng caah US thawngpang rel an duh ah cun Like/follow vun tuah law, ni fatin US thawngpang 4/5 na rel khawh peng lai tinak a si

Mah bantuk thawngpang tha thei nuam tuk mi kongah Democrat pawl hna cu an nih lawm khawh bak ko. Mr. President nih cun Covid rai zawtnak sii Mayo Clinic nih an hmuh chuak mi cu hmang khawh ding in thawngthannak a tuah cang

Convalescent Plasma an hmuh chuak ti a phuan. Mah sii hi Covid a rak ngi cang mi, a dam tthan mi thisen an lak mi hmangin ser a si. Mah sii nih hin Covid ruangah a thi ding mi 35% in a zorter khawh tiah thei a si.

Natein mah bantuk tthawngtha President nih a phuan mi cu Democrat pawl caah cun thawngchia bak si tthan hoi. A ruang cu mah bantuk sii an ser i, Covid a zawhmi hna an dam thluamah a cun Democrat pawl nih Trump soiselnak le thangchiatnak an ngei ti lai lo caah si

Democrat party Presidential Candidate Joe Biden nih President caah thim a si a cun Covid dohnak ding caah rian a ttuan hmaska lai i, US cu shutdown a tuah lai ti a chim cang. Natein mah bantuk in thil a kal lio ah President Trump nih thil sunglawi tuk mi a tuah hmasa caah Democrat pawl caah cun ngaichiat bak a si tthan hoi

CNN news nih mah sii kongah fakpi  in soisel le thangchiat ding in mi thiam pawl an sawm hna, natein mi thiam pawl nih CNN duh ning bantuk in mah sii thatlonak ding chim ding an ngei fawn lo caah CNN cu mangchia in a um

CNN duh ning ah cun mah bantuk in President Trump nih Covid sii kong a phuan mi hi fake news a si tiah, mi thiam pawl nih chim seh ti an duh, natein CNN/an duh ning bantuk in mi thiam pawl nih an chim lo caah CNN thil tuah mi cu ceilak in soisel tthan a si. Mi thiam pawl nih an chim mi cu, test an tuah mi a tlawm ti lawng a si.

Natein mah sii hamngin minung 70,000 leng an rak damter cang. Mah sii hi a tha, Covid rai caah si tha tuk mi a si tiah Dr. William Morice , Mayo Medical Laboratories President le Chairman, Department of Laboratory Medicine & Pathology, May Clinic nih fehternak atuah cang. Credit-PC. Biaksiama

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Thawngtha tak tak; Trump nih Covid sii thawngthannak atuah cang; Democrat pawl mangchia a si tthan hoi"

Leave a comment

Your email address will not be published.


*