Thawngtha vun thei cu hna angam tak tak, USA nih a cohlan mi cu Japan mithiam pawl nih a kong an vun chim ve cang

Mah bantuk thawngpang tha vun thei cu hna a ngam tuk hrinhrang. Vawlei cung mipi iin ah kan in erh tuk ruangah a zaw lomi tiang an zawt dih cang an ti i, USA cun inn ah um an duh ti lo caah meithal he leng an chuak cang i, an buai tak tak ti a si. Mah bantuk lio ah thawngpang tha ngai mi cu Ramsedivir kong hi a si.

Coronavirus zohkhennak caah vawlei ramkip nih sii an test mi ah a tha bik tiah an ruah mii Ramdesivir cu USA FDA nih Emergency Treatmnet caah a cohlan cang ti May 1, Ningani ah President Trump nih thawngthannak atuah. Mah hnuah May 2 inrinni ah Japan cozah zong nih Coronavirus damlo zohkhennak caah aprove tuah ding in timtuahnak a ngei lio tiah a chim

Japan nih cun emergency treatment ca lawng si loin Coronavirus damlo mi caah hmang ding hrim hrim in tim tuahnak a ngei. Mah bantuk in cohlan a si ah cun coronavirus ruangah a thi ding mi tampi nun a khamh khawh lai tiah zum a si.

Japan Health minister Katsunobu nih cozah ngawlngeitu sin ah Remdesivir sertu Gilead Science company cu an ram chungah zuar khawhnak hal an nih tim tiin a chim. Mah sii konah cozah nih license cu fawtein an tuah piak ang hna tiin Kyodonews nih a chim. Remsedivir hi U.S hlei ah Britain, Canada, Germany le France ah coronavirus in damlo mi pawl zohkhennak caah cohlan (approve) a si cang. Credit: English. Kyodonews . MRTV

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi la lak i credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Thawngtha vun thei cu hna angam tak tak, USA nih a cohlan mi cu Japan mithiam pawl nih a kong an vun chim ve cang"

Leave a comment

Your email address will not be published.


*