Thinak teitu Jesuh lei ah Trump a dir chung cu Democrat le Laimi cheukhat Trump huatu nih an tei khawh lai lo. AG William Barr nih a chim mi hi Democrat le Laimi cheukhat caah cun ningzah tuk mi si cang

US-ah COVID-19 zawtnak ruangah mi 22,115 an thi cang. A damlo mi hi 560,433 an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si. Mah bantuk in USA ah Coronavirus ruangah a thimi an tam ruangah le a zawtmi an tam ruangah Trump cu fakpi in soisel le thanchiat a si. Natein mah coronavirus zawtnak ruangah USA mipi a thimi an tam mi hi Democrat le left pawl nih Trump mualphoterhnak ding caah an ttial duh ngai mi le an chim duh ngai mi a si.

Easter Sunday ah Trump bia chim mi cu uar um tuk hrinhrang. Mah bantuk in Pathian a bohchan mi hi misual le mithalo pawl nih zeitik hman ah an tei khawh lai lo ti a fiang, Trump hi President a si hnuah Pathian a bohchan tuk mi le Khrihfa pawl thlacamnak ah a kal kawh ah cun a kal peng mi a si i, White House ah hin zarfatin Pathian thanthatnak le Bible cawnnak an tuah peng mi a si. Mah bantuk President zumtu tha hi USA President ah an tam lo.

Trump nih a chim mi, mi nih an uar ngai mi le duh ngai mi bia cu, “USA nih mah bantuk in coronavirus ruangah buainak kan tawn lio zongah kan nih cu Pathian lei ah kan kir i, Pathian hruainak, hnemhna le ruahchannak a ngei mi kan si. Mah bantuk caan har lio ah hin Pathian zumtu caah tete muru bik dawtnak, zaangfahnak, hiraltthatnak, siannak le America mipi zawnruahnak hi a lang awk a si tiin a chim. Jesuh zong nih thinak a tei bantuk in kanmah zumtu zong nih mah bantuk caan lio ah harnak, sifaknak, buainak vialte hi kan tei awk hrim a si.

USA state ah Democrats nih Governor pakua an ngei hna i, atu hi an buai tuk lio a si. Trump nawlngeinak cu mah Democrats Governor pawl an state chungah firpiak an nih tim. America reopen ding ah Trump nih keimah nawl a si tiah a chim mi cu mah Governor pakua nih hin an duh lo i, New York Governor Cuomo nih cun Trump nih a mah nawl in America reopen a tuah ah cun lawsuit file ka tuah lai a ti hoi cang. Democrat nih atu tiang President Trump hi harnak le buainak an tuah piak tawn

Coronavirus stimulus, (America mipi caah bawmhnak) House pahnih ah passed an tuah cang mi zong cu, Trump nih zeitindah a hmang tiah dothlatnak ding caah pawl an dir hoi cang i, Cun Russiangate kawng ah AG William Barr nih zahan ah a chim mi ah cun Trump President a si khawhnak ruang kha Russia nih a bawmh caah a si tiah Democrat pawl nih an ti mi kha lih hrawkhrawl long te a si, zeihman tete a um lo milawng te a si, Trump President a si mi kha Democrat pawl an lung a fak tuk caah Trump hi zeitindah President dirhmun in kan thawl kho lai tiah an mah Democrat nih an tuah chom mi longte a si tiin a chim cang