Tih nung bak si cang. Trump thazang petu Pastor hna cu Democrat pawl nih an hrocer/tlerh hna

A mak chin lengmang cang ko hi, US politic cu tih nung chin lengmang cang ko kan ti lai maw Democrat/left pawl hna an thil tuah ning le an lungput hna hi cohlan khawh ding mi an si ti lai lo, mah bantuk in a si a cun

Chinpage ah nifatin US thawngpang 4/5 ka ttial peng caah, US thawngpang zeitik caan poah rel na duh a cun mah Chinapage hi like/follow vun tuah law, ni fatin US thawngpang 4/5 na rel khawh peng lai tinak a si

A voihnihnak President si tthan ding in Trump nih White House ah Republican National Convention cohlan nak  a tuah nak ah khirfa zumtu tha tampi, Trump a dirpi tu hna cu White House ah an kal ve.

Minung 100 leng hna cu mah zanlinak caan hmannak ah hin i tel ve ding in sawm an si. Republican National Convention a dih hnuah, White House in an umnak hotel lei ah an lawi lio ah Democrat/left pawl nih mah khrifa zumtu hna cu fakpi in an tlerh hna

Mah  South Lawn President nomination cohlan nak ah aa tel ve mi khrifa zumtu mi lar hna cu Pastors Jentezen Franklin, Ed Young, Jack Graham, Robert Jeffress, Bishop Harry Jackson, the Rev. Samuel Rodriguez, Ralph Reed, chair of the Faith & Freedom Coalition, and radio host Eric Metaxas hna an si

Johnnie Moore, a prominent religious freedom advocate and founder of the KAIROS Company nih a chim mi cu Hotel lei ah an lawi lio ah buainak a sertu Democrat/leftist pawl nih kut an thlak ti in a chim

Mah pawl hna nih an bia chim mi le holh cu celh ding a si lo, holh tha lo le bia tha lo lawngtein hmangin fakpi ina an kan soisel, thangchia  hnuah tlerh kan si tiin a chim

Zeihman bia halding a um lo. Mah bantuk in kan cungah thil thalo tuah an nih tim lio ah D.C Democrat Mayor cu nuam ngai in a hngihl lio a si.

Mah bantuk upa cang mi pawl le tlamtling lo mi pawl zohkhen le kilvengnak ding caah zeihma lam kawl a tim lo. Ka mit in ka hmuh i, ka kut bak in k tawn mi a si

Palik pawl cungah lunglawmnak tampi ka ngei, mah bantuk in buainak le harnak tuah a duh mi pawl  nih kan cungah thil thalo tuah an nih tim lio ah, thatein an rian ttuan in, an kan kil veng khawh caah, tiin lunglawmnak a chim/ Christianpost

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Tih nung bak si cang. Trump thazang petu Pastor hna cu Democrat pawl nih an hrocer/tlerh hna"

Leave a comment

Your email address will not be published.


*