Tih nung chin lengmangcang; President Trump nih Kum 1992 hnuah a voihkhatnak ding caah Nuclear Test tuah a tim cang

Vawlei thawngpang kan thei mi pawl hna hi Bible nih a chim ning bantuk in a tling thluamah cang. Coronavirus nih vawlei cung ramkip muinak khur ah a lut pio lio ah, vawlei cungah ram thawngbik pahnih USA le China karlakah buainak cu a zual tuk cang caah a dai khawh dirhmun khi an phan ti lo. Tu tiang President nih China president cu ka chawn duh nem mam ti lo tiin chawn a tim ti lo ning fiangtein a chim cang

China a tih bik mi pakhat cu Taiwan nih hriamnam tha a ngei sual lai ti hi a si, mah cu President Trump nih fiangte in a thei caah Taiwan cu hriamnam tha tampi a pek ning kong kan ttial cang. Cun China ram chungah company pawl hremnak ding caa Senate ah bill an passed mi kong zong mah chingpage ah fiangtein ka ttial cang.

Kum 1992 hnuah a voikhat nak ding caah The Trump Administration nih Nuclear test tuah ding kong an chim. Senior Administration Officials le former officials dang pawl, The Washington Post an chim ning ah cun Friday ah US top Nation Agencies pawl hna cu bia ceinak an ngei. Russia le China nih low Yield nuclear test an tuah tawn ti an thei. The Trump Admin nih zia ramdang zong nih an test lengmang ko i, kanmah USA nih test kan tuah lonak ding a um maw ti an chim. Russia, China le US nih trilateral nuclear deal an ngei ah cun US zong nih test a tuah lai tiah zum a si

Kum 1992 hnuah USA nih nuclear test a tuah bal lo. The White House le National Security Council lei nih mah bia halnak hi fiangtein lenak a tuah lo. The nuclear test and comprehensive test ban Treaty ram 184 nih sign an tuah mi kha, zei rel lo in mah bantuk in USA nih nuclear test hi a kalpi tak tak lai maw? Environment nih fakpi in a tuar lai ti bia halnak hna cu White house nih tu riang lenak a tuah rih lo. Source-The Washington Post

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor