Tih nung tuk cang; USA he raltuk ding in kan nih tim cang tiin China nih a chim cang. Zeibantuk ral maw si lai?

Vawlei thawngpang kan thei mi hna hi thawngpang tha thei ding mi um ti lo, Jesuh nih a chim bantuk in caan dawnnak ah cun……. tiah a chim mi kha a tling thluamah cang ko ruah. Coronavirus ruangah USA le China cu fakpi in an buai hnuah atu cu raltuk ding in tim cia tein ka um cang tiin China nih a chim cang

The Global Times ah US he raltuk ding in timcia te in kan um cang tiah China nih a chim mi hi thil pahnih in lak khoh a si. Pakhat cu raltuknak a si i, pakhat cu economy lei ah a si. Mi tampi nih an zum ning ah cun mah bantuk in China nih raltuk ding in timcia tein ka um cang tiah a chim mi hi hriamnam hmangin si lo in economy lei in a chim duhnak a si lai tiah an zum.

US nih Chinese telecommunication giant Huawei companies cu phih piak ding in a tawrel lio a si. A hlei in TMSC chips zuar lo ding in lam a kawl lai. Mah bantuk in USA nih China cungah dantatnak ruah a tim caah China nih USA cu countermeasures hmangin dantat a tim ce cang. US companies pawl “unreliable entities” kan ti piak lai i, US companies ah restrictions kan tuah lai i, Qualcomm, Cisco & Apple, hlei ah Boeing Aircraft zong kan cawk piak ti lai lo tiin achim

US nih hin China high-tech companies cu fakpi in doh a tim ti a lang cang. China cu a fak khoh ning in /worst-case scenerio dantatnak tuah ding in rian a tuan. Cu caah US high-tech sector pawl bantuk in cawlhcang khawh kan nih tim a her tiin China nih a chim

China Peaceful Development environment  zong a dang tuk cang. Chinese Domestic le Foreign policy zong kan thleng dih a her cang. US nih a duh bantuk in a kan tuah khoh lonak ding caah kan nih zuam a her cang. USA hi doh ding in lam kan kawl a her cang tiin a chim. Source-TheGlobaltimes (Editorial)

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor