Trump bia chim mi cu tih nung bak; “China mawhphurnak na lak dih lai” a ti cang

China nih vawlei cungah thawngbik a tim ning le ramdang uk a tim ning USA nih fiangtein a phuan piak cang i, superpower si a tim ning le tu coronavirus zawtnak ruangah China thil tuah mi cu pehtlainak a ngei ning kong zong faingtein a phuan piak nak kong mah Chinpage ah fiangtein kan ttial cang.

The White House Report sin ah WHO cu ni 30 ah a rem tthan lo ah cun USA nih kum fatin tangka kan pek tawn mi hi kan phih dih lai tiah a chim cang. Cun WHO member kan sinak zong kan ruah tthan lai, a her ah cun WHO member in kan chuak lai tiah a chim. President nih a chim ning ah cun “China nih thil a kan pek mi cu a dawh lo tak tak. China sin in a thawk. Cun Europe lei ah a kal thluamah hnuah kan sin a rak phan ve cang. Vawlei cung ramkip a phan dih. Thil raptlak tak a si.  Mah bantuk in thil tuah hi an nih tim mi a si hrim hrim tiin a chim

President Trump nih a chim ning ah cun Coronavirus vawlei cungah a kar thluamah mi hi China nih a khamh khawh ‘totally preventable.’ tiin a chim.  China nih medical experts pawl hna cu Wuhan ah kal a siang lo tiin fakpi in a soisel. Wuhan mipi China ram chung khualtlawng siang lo in vawlei cung ramkip ah kal a siang, natein vantha in keimah nih ka rak khamh hman hna tiin a chim

WHO cu fakpi in soisel than i “WHO nih rian thatein a ttuan lo, WHO hi China milem ser chawn mi a si, They are the puppet of China” , US nih China Travel ban kan tuah lio ah khan, WHO nih fakpi in a kan soisel  “Travel ban kan tuah mi kha WHO nih a cohlan duh lo, economic ah fakpi a hrawh khoh mia  si. Travel ban  ka tuah lio ah khan, a tha lo tiin fakpi in WHO nih a ka thangchiat. Mah bantuk in Travel ban kha tuah lo in rak um hna seh law, atu nak in a thi mi le zawtmi an tam deuh lai tiin a chim. sleepy Joe Biden nih  xenophobic tiin fakpi in a ka soisel i thangchiat. China nih mah vialte thil ruangah China nih mawhphurnak an lak ding a si” Credit-Whitehouse

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump bia chim mi cu tih nung bak; “China mawhphurnak na lak dih lai” a ti cang"

Leave a comment

Your email address will not be published.


*