Trump caah thawngtha bak si; January ni 6 ah Mike Pence caah lawsuit cu court ah chuahpi a si cang

Rep Louie Gohmert &Arizona state republican electoral college electors pawl nih Federal Lawsuit an ap cang.

Mah federal lawsuit hmang in Vice President Mike Pence nih a ra ding mi January Ni 6 ah congress meeting a hruai tikah Pro Trump elector pawl thil tuah khonak lam a ser piak khawhnak ding caah a si

Mah lawsuit a ap mi lakah hin Arizona republican party chair kelli Ward zong a tel i, Texas based US District Judge Heremy Kernodle sin ah Mike Pence nih pro Trump electoral pawl a thim khonak ding caah lawsuit hi ap a si

January ni 6 ah hin congress pahnih hna cu Joe Biden Certify tuah ding in Congress Joint Session ngei a si lai, mah congress Joint session ah Mike Pence cu hotu bik a si lai. (Knowledge caah US Vice President hna hi senate president tiah au tawn an si ti kha philh lo ding)

Mike Pence nih electoral vote Joe Biden nih a ngei cia mi cu a hlawn i, Pro Trump pawl vote a cohlan khawnak ding caah lawsuit hi ap mi a si.

Mah bantuk in court ah lawsuit an ap mi hi a tlamtling a cun,  Donald Trump hi a term hnihnak caah President rian a tuan than lai.  State vote count cia mi hi House member le Senators nih an hlawn kho, natein phunglam ning tein akal ding a si.

Swing state result dang cu GOP House members nih hlawn an nih tim lio a si. Cucaah January ni 6 hi US mipi lawng si lo, vawlei cung ramkip nih zeibantuk thawngpang a vun chuak lai ti hi an thei duh ngai mi a si. Source-RTK

Be the first to comment on "Trump caah thawngtha bak si; January ni 6 ah Mike Pence caah lawsuit cu court ah chuahpi a si cang"

Leave a comment

Your email address will not be published.


*