Trump caah thawngtha bak si; Latino an buai, Democrat mangchia

Latino hi US ah vote tambik pahnihnak an si. Mirang pawl hi a tam bik an si, cun Latino pawl vote hi pahnihnak a si. Mah bantuk in Latino pawl nih Democrat party an kal tak thluamah a si ah cun Trump caah thawngtha tuk a si lai, Joe Biden caah cun mangchia bak si cang lai

Democrat bank (vote hmuhnak) an ti tawn mi, minak pawl nih Trump vote an nih tim thluamah ning ka vun ttial cang i, a rel lo mi nan um khawh caah tlawmpal ka vun langter tthan lai. US Election ah hin Democrat pawl nih teinak an hmuh tawnnak ruang bik cu minak pawl le Latino pawl vote ruangah a si.

Mah Chinpage ah hin nifatin US thawngpang 4/5 ka ttial peng caah, US thawngpang thar bik mi, rel na duh a cun mah Chinpage hi like/follow vun tuah law, ni fatin US thawngpang 4/5 na rel khawh peng lai tinak a si

Kum 2016 ah 8% nih Trump an vote, 90% nih Hillary an vote. Natein Trump nih teinak a hmuh ti kan thei, Aruang bik cu White Evangelist pawl, vote a rak thlak bal lo mi nih, Obama President  si lio ah US ram caah thil a tuah mi le White House ah Muslim pawl le Hindu pawl a sawm hna I,

nudawk-padawk pawl caah fakpi in a ttuan ning vialte kha an zoh I, Pathian Bible ning lo in rian a ttuan ti an vun thei I, Trump kha President a si khawhnak ding caah vote an vun thlak thluamah caah Trump nih teinak a hmuhnak kha a si

Kum 2020 cu kumdang bantuk a si ti lo. Trump nih minak pawl cungah rian a ttuan ning an vun zoh I, Democrat pawl nih vote lawng an duh I, an caah rian an ttuan lo ning an vun thei thluamah tikah, November 3 Election ah minak 26% nih Trump kan vote lai an ti cang.

Minak pa pawl 61% nih  Trump kan vote lai an ti I, minak nu pawl 60% nih Biden kan vote lai an ti. Kum 2016 ah minak Trump a vote mi le kum 2020 ah a vote ding mi zoh ah cun 18% hrawng in an tam deuh cang lai tinak a si

Minak bantuk in Latino pawl zong nih Trump cu vote tampi pek an nih tim thluamah cang. Democrat lei in Latino mi, US Presidential Candidate si a rak tim mi Latino pawl nih an uar tuk mi Julian Castro nih buainak kong fiangtein a vun chim ve cang.

Democrat pawl nih tu hi Democratic National Convention an ngei lio a si. (mah convention hi zan 4 ngei ding a si. Tu hi zan 2 an ngei cang) Mah convention ah hin latino a kal mi le a zoh mi an tlawm tuk cang caah, Democratic National Convention zoh in President ah teinak kan sung khawh a si tiin Julian Castro nih a tih ning a chim

A chim chap mi cu “ Ral ah teinak kan hmuh khawh, natein Idohnak tak tak ah kan sungh khawh tiin a chim (Laiholh in leh a her ngai) English in a chim mi cu;  “I think that we could win the battle and lose the war,”  tiin Axios he interview an tuahnak ah a chim. Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump caah thawngtha bak si; Latino an buai, Democrat mangchia"

Leave a comment

Your email address will not be published.


*