Trump caah thawngtha bak si; Minak pawl nih Kamala cu an cohlan khoh bak lo hi

US Presidential race a linsa ngai cang caah le US President hi vawlei cung ram kip President an si tiah au tawn mi a si bantuk in Pathian thawngin damte kan um ah cun kum 2020 cu US President kong lawngte ka ttial ko lai hi

Mah Chinpage ah hin nifatin US thawngpang 4/5 ka tial peng caah, US thawngpang a thar bik mi na rel duh ah cun Chinpage hi like/follow vun tuah law, nikhat ah US thawngpang 4/5 na rel khawh peng tinak si lai

Democrats Vote Bank tiah ti tawn mi, minak tampi nih Kamala hi minak ah an cohlan khawh bawk lo. Kamala nih hin minak pawl hna cu zeirel lo in le nihsawh bu in  thawnginn ah a rak chia tawn hna. Prosecutor a si lio ah Khrifa saya pakhat nih member pakhat cu a tlaihhrem i, mah pa hi dantatnak pek ding a si lio ah Kamala nih luatnak pek a tim.

Mah bantuk in Kamala nih khrifa saya pakhat luatnak pek a timnak raung bik cu, a lawyer nih Kamala sin ah campaign a tuahnak ding caah tangka tampi a rak pek ruangah a si. Kamala nih mah pa thil thalo tuahmi langhtertu a simi thil vialte cu a thup dih hna.

Court nih Kamala cu thil sining fiangtein a hal i, thil thalo tuahmi langhtertu a simi thil vialte cu Court ah keng ding in a ti caah lih le hrokhrawl in thil a tuah khawh ti lo caah saya pa cu dantatnak tuah piak a si

California Prosecutor a si lio ah thawnginn ah aa um mi hna cu an luat caan, Thawnginn in inn lei an lawi caan ah a lawiter duh hna lo i, Cheap Labour ah a hmang tawn hna, US School ah Transgender (pa nu bantuk in a thleng/ um mi) hna cu Nu Sport competition ah an tel khawhnak ding caah lam fakpi in a kawl piak hna.

Siang inn poah, mah bantuk Transgender (pa nu bantuk in a thleng/ um mi) Nu sport ah tel a siang lo mi hna cu dantat khawhnak lam bill a chuapi tu pakhat a si than. Credit- Ricky L. Colney

Joe Biden he US History nau hrawh a duh bik mi ‘Most Pro Abortion Presidential Candidate in US History’ an si. Kum 2019 ah Presidential Candidate si a tim i, campaign a tuah lio ah mipi nih usa an pek lo i, zei ah an rel lo ngai mi a si. A thil tuah mi aluancia mi hna an ruat tikah a duh mi an tlawm ngai.

Senator a si khawhnak ding caah amah vote petu Home State ah  8% lawng nih an dirkam/support i, a duh mi an tlawmtuk caah Presidential Candidate cu a caah ruahchannak a um ti lo ti a thei caah daite in a ding mi kha a si

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump caah thawngtha bak si; Minak pawl nih Kamala cu an cohlan khoh bak lo hi"

Leave a comment

Your email address will not be published.


*