Trump Cocornavirus in thih seh tiah twitter ah a ttialtu Google Thin Tank Chief Techfreem President Berin Szoka cu a rian in phuan a si cang; Aruang cu

Pathian a tha tuk hrinhrang, Trump nih Pathian a bochan tuk caah corona virus in Pathian nih a luatterh cang. Democrat le liberal pawl an saduhthanak cu a tlamtling kho ti lo i, an president tiang thih seh tiah a duh mi hna cu President Trump nih Corona virus zawtnak a ngeih lo ruangah fakpi in an lung a fak tthan.

USA hi Obama President a rak si hnuah Democrat le liberal pawl nih an hrawhtuk cang caah Trump nih USA serhtthan a tim i, kum 2016 Election ah make America Great a ti cu a slogan ah a chiah.

Kan theih cia bantuk in Brazil President President le Trump cu White ah kutlainak an ngeih, mah hnuah hin Brazil President cu Covid-19 a ngeih ti theih a si i, President Trump le Brazil President hi kutlainak an rak ngeih caah Trump zong Coronavirus a ngeih lai i, a thi lai tiah Democrat mi tampi nih an zum.

Google Think Tank Chief, Techfreedom President Berin Szoka nih Trump cu Coronavirus zawtnak ngeih i thi hrim hrim seh tiah a duhnak cu Twitter tiang ah post a tuah. Mah bantuk in twitter ah post a tuah hnuah soisel tu le thangchiattu an tamtuk caah a rian in ngawlter a si.

Mah bantuk in Donald Tump nih kut a tlaimi hna coronavirus zawtnak an ngeih tiah an theih hnuah Trump cu mah zawtnak hi a ngeih hrim lai tiah zum an tam tuk cang i, Natein Trump nih Pathian cu a au i, March Ni 15 hi kha Pathian sin ah thlacamnak caan a si lai tiah USA ram chungah cun a phuan i, “Trump nih a chim ning ah cun USA nih harnak caan an tawn lio ah Pathian an au tawn, Pathain he cun teinak an hmuh lai ti a phuan.

Cun mi tampi zumtu nih President Trump caah thla fakpi an rak cam. Trump Coronavirus a ngeih maw ngeih lo tiah test an tuah mi cu result a vun chuak i, Trump cu Coronavirus a ngeih lo ti fiangternak tuah a si cang. Pathian nih zumtu pawl thlacam nak hi a theih i an thlacamnak cu thluachua tampi he a leh tawn hna ti fiangtein a lang.

Be the first to comment on "Trump Cocornavirus in thih seh tiah twitter ah a ttialtu Google Thin Tank Chief Techfreem President Berin Szoka cu a rian in phuan a si cang; Aruang cu"

Leave a comment

Your email address will not be published.


*