Trump hi cu uar um bak ko hi, a thil tuah mi nih America a cawisang chin lengmang cang ko hi

NASA le Spacex company pahnih ibawm in thlah an timhmi, Falcon 9 Rocket cu, Florida state, NASA’s Kennedy Space Center in 27  zanlei sumilam 4:33pm ah thlah a tim mi cu Nikhua chiat ruangah NASA/SPACEX thlah an thawn. Zarhte Ni ah an thlah lai. American space heroes Robert Behnken le Douglas Hurley nih an mongh lai. Vawlei in meng 250 a sannak international space station tiang an kal lai i, sumilam 24 an rau lai. Atu thlah an timhnak hmun i, thlapa cungah ah an rak thlahmi, Apollo 11 thlahnak hmun in a si lai. 2011 hnu ah US nih International space station ah an kai hmasa bikmi a si lai.

NASA nih vanlei ah hlathlai dingin mission project an ngei i, – dubbed Demo-2 – timi zong an ser cuahmah lio a si i, thlapa le mars ah kal ding in timhtuahnak an ngeih rih. President Trump nih election campaign lio tein Space mission kan thawk than lai” tiah a chimmi kha a tak in an tuan chuahmi a si.President Trump zong Rocket thlah lio va zoh dingah NASA Kennedy Space Center a phan cang.

International Space Station [ ISS] ah hin rocket tampi an phan i hmunhma an laak nak hmun a si. Mah ka cun van le vawlei sining le science lei sining vialte an hlathlainak sakhan pakhat asi. Ram tempi nih international Space Station ah hin vawlei le van hlat hlainak caah an herhmi thilri vialte an i chiahnak hmun a si. Credit- Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor