Trump kong a chim nak ah US mipi lau bak in a tuah hna. Trump uar um chin lengmang ko

Tu lio US thawngpang cu a linsa tak tak, ngai a nuam chin lengmang cang. Trump le Biden cu ceilak in an nih phomh thluamah cang i, Trump nih Joe Biden hi Debate tuah hlang ah Medical Test kan tuah hmasak lai tiah challenge a tuah. Mah kongah Democrat lei nih bia le hla zei hman an chim duh lo

Chinpage ah hin ni fatin US thawngpang 4/5 ka ttial peng caah, US thawngpang na rel duh ah cun Chinpage hi Like/follow vun tuah law, ni fatin US thawngpang 4/5 na rel khawh peng lai tinak a si

Mike Pompeo nih Trump Foreign policy Jerusalem cu a thangthat ngai. Secretary of State Mike Pompeo nih hin diplomat kal ning le department rules zong zulh lo in Trump cu ceilak in a thangthat.

“President Trump’s America First foreign policy cu thatein US mipi le ram caah thil tha a si lengmang khawhnak ding caah US mipi vialte, President Trump vote ding in sawm nan si tiin Jerusalem in bia a vun chim

Former President Dwight D. Eisenhower’s nih nawl a rak pek cang bantuk in Trump nih idohnak a dawng khawh ti lo mi cu a dawngtere hna, Chinese Communist Party nih vawlei cung ramkip ah buainak ser i, super power si a tim mi cu Trump nih lam a phih piak dih hna,

China Coronavirus cover up zong raltha ngai in a doh lengmang, China cu vawlei cung ramkip hmai ah ningzah hmaichia in a tuah. Mah bantuk in foreign ram in US Secretary nih bia a vun chim mi hi Democrat pawl nih cun an duh lo tuk caah a rian hi kal tak seh tiah fakpi in an soisel tthan

North Korea kong zong ah si seh, Kim Jong-un nih  nuclear & long-range missile tests a tuah peng mi cu a ngawlter dih. President Trump nih NATO alliance cu a thawngter hna, US Embassy Tel Aviv  in Jerusalem ah a thial.

President Trump nih a rian ttuan mi vialte ruangah a lar lo khawh men, natein US mipi le ram caah fakpi in rian a ttuan peng. Trump Foreign policy hi ramdang nih cun an soisel ngai, natein US ram caah cun thiltha bik a si tthan hoi, Aruang cu vawlei cung ramkip ah dainak a um khawhnak ding caah lam a kawl peng caah a si. Credit- RTK

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump kong a chim nak ah US mipi lau bak in a tuah hna. Trump uar um chin lengmang ko"

Leave a comment

Your email address will not be published.


*