Trump, le Sibawi thiam, Dr. Fauci, facebook ngeitu Mark karlakah buainak fakpi achuak

An buai ngai, Coronavirus ruangah USA ram chung a buai ning hi zoh ah cun a poi tak tak. Tu tiang thawngpang tha thei ding a um lo, sii zong tu tiang serh khawh a si lo, natein a rau hlanah an ser khawh cang lai tiah zumnak long si rih

USA ah sibawi thiam tuk mi, Dr. Fauci cu President Trump nih fakpi in a soisel, Trump nih a chim mi cu, Dr. Fauci cu mitha le mifel a si, natein coronavirus kongah a bia le hla nih USA mipi tih le lau in a chia hna. US mipi lauter i, tih ngai in chia a tim tiah a puh.

Mah bantuk in mipi lauter le tih in chia hi a tha lo tiah a ti. Mah bantuk in President Trump nih Dr. Fauci a ti mi cu, Dr. Fauci nih a duh lo ngai mi a si

US mipi lauter hi ka tim mi a si lo, thil sining hi thatein an thei a herh caah ka chim mi a si, thil sining, tih nung ning an thei lo ah cun ralrinnak lei ah an cham bau sual lai tiah ka phan caah  mah bantuk bia hi ka chim mi a si tiah a chim.

Mah bantuk in President nih Dr. Fauci a soisel caah, Facebook ngeitu CEO Mark zong a um sawh sawh kho ti lo i, President Trump nih mah bantuk in Dr. Fauci a ti mi cu a thalo a ti i, Dr bia le hla hi kan ngai awk a si i,

cun CDC bia le hla ngai duh lo in President Trump nih a mah bia lawng in thil a kalpi mi cu thalo a ti ning a chim i, President Trump cu fakpi in a soisel ve.

CDC Director Robert R Redfield nih cun mi vialte nih mask hi thla 2 chung thatein kan hmang a si ah cun mah coronavirus hi kan tei hrim hrim lai tiah a chim. Mah bia hi press mi hmaiah a chim mi a si.

Mah bantuk in CDC Director nih a chim mi cu President Trump niha vun lehcawlh i, thla 2 chung mask kan hmang ruangah Coronavirus hi a dawng khawh ding mi a si lo tiah a chim. Credit- White House. ABC

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump, le Sibawi thiam, Dr. Fauci, facebook ngeitu Mark karlakah buainak fakpi achuak"

Leave a comment

Your email address will not be published.


*