Trump nau thinak kongah Democrat/left pawl nih Trump an ti ning cu zaangfah tak tak si

US Presidential race a linsa tuk cang i, mi nih thinak an tawn lio ah le caan thalo an tawn lio ah mah bantuk in lungput ngei cu minung lungput zong a si lo ti khoh si cang. Mah bantuk in mi ngeichiat, mitthli lilen tahnak, chim khawh lomi an tawn lio ah mah bantuk in Trump cungah Democrat/left pawl bia le hla thei ah cun celh ding bak si lo

Mah Chinpage ah hin ni fatin US thawngpang 4/5 ka ttial peng caah, US thawngpang thar bik mi poah na rel duh ah cun like/follow vun tuah law, ni fatin US thawngpang 4/5 na rel khawh peng lai tinak a si.

Donald Trump a nau Robert Trump  thinak kong ah Democrat/Left/ MEDIA pawl fih an nung khawh ning hi ruah ah cun amak tuk hrinhrang cang.  Zeibantuk ral le huatu minung an va thi zongah, lungthin ah zaangfah nak le dawtnak a um peng. An sualnak lawngte zoh lo in an thatnak lei kha zoh piak in a her ning bantuk in thangthat an si tawn

Natein Donald Trump dohtu le soisel tu pawl nih cun thil tha zong tha lo zong an thleidang khawh ti lo. Trump nau pa thinak kongah Trump dotu/Anti-Trump/ Liberal/Democrat pawl nih  Trump nau pa Robert nak in Trump hi thi seh law a tha deuh lai tiin fakpi in Trump dohnak le soiselnak caah an hmang lio a si. Twitter ah #WrongTrump hastags cu number 4 trending ah a kai cang.

Pathian sin ah Donald Trump thi seh tiah kan hal mi cu, kan hal lo mi a kan tha piak, thla kan cam tthan tikah  a min dihlak tein kan Pathian sin ah kan chim a hau cang tiin an chim thluamah ko.

Leftist Journalist tampi nih cun Donald Trump nih hin a thi lonak ding caah vancungmi (Angels) tangka zeizat dah a pek hna i Trump si lo in anau nunnak cu a lak piak” tiin Trump cu fakpi in an soisel

The Wahington Post zong nih Robert Trump a thinak kong cu an tial na in, zeirel lo le nautak bantuk in an ttial, a ttial ning ah cun, ‘ Donald Trump nau, mah le u a si mi, Court ah dantat ding in a chuahpi duh mi cu kum 71 a si lio ah a thi cang,” tiin a ttial

The Washington Post nih ISIS hotu bik Abu Bakr al- Bagdhadi a thi lio ah an ca ttial mi cu ‘Abu Bakr al Baghdadi a, Biaknak lei in mithiam le mi caah a pum a pek ngai mi cu kum 48 a si in a thi cang’ tiin a that khawh ning in an ttial, Terrorist a sinak kong zong an ttial duh lo.

Robert Trump hi a u Donald Trump he hawikam tha tuk mi an si, Best friend an si i, alungcia thla ah Donald Trump u (Thi cang mi) fanu Mary Trump (Chungkhar Blacksheep) nih ca-uk hmang in Trump thangchiatnak le soiselnak a ttial mi, mipi rel khawh ding in chua a tim mi cu Trump nau Robert Trump nih Mary Trump cu, Donald Trump soiselnak le thangchiatnak Ca-Uk a ttial mi cu chua a si lonak ding caah court ah a tanh.

Mah bantuk in Trump nau Robert Trump nih a u a dirkam caah  The Washington Post nih Robert Trump hi an huat ngainak ruang cu a si. Robert Trump hi Presbyterian Weill Cornell Medical Center/Hospital, New York. (August 14, 2020) ah a um lio ah a u Trump nih a va zoh i, mah hnu ni 15 ah a thi mi kha a si. Credit-Ricky L. Colney

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump nau thinak kongah Democrat/left pawl nih Trump an ti ning cu zaangfah tak tak si"

Leave a comment

Your email address will not be published.


*