Trump nih a chim cang, China nih a tuah lai maw ti zoh si cang

Pentagon zong nih a rak chim cang kha, China nih kum 2025 hlan ah Taiwan hi a tuk hrim lai tiin, Atu cu former president Trump zong nih fiangtein a chim cang. GB interview nak ah a chim mi cu, White House ka chuah tak hnuah China thil tuah ning hi a luan deuh cang. Atu cu duh poah in thil tuah a tim cang, President ka si lio ah a tuah ngam lo mi vialte cu a tu cu tuah a tim cang tiin.

Kum 2022 ah Beijing nih winter Olympic tlamtling tein a tuah dih hnuah Taiwan hi a tuk lai i Taiwan hi a kut tangah chia a tim lai tiin a chim.

Atu kan vawlei dirhmun kan zoh ahcun, America cu zei ah an kan rel ti lo i America cu an tih ti lo, China nih vawlei cung hmaiah thiam a coh khawhnak ding caah

Beijing Olympic 2022 hi thatein tuah a tim. Vawlei cung ramkip nih an mawhchiat lonak ding caah atu cu daitein a um ter i, Beijig Olympic a dih bak in Taiwan cu a tuk hrim lai tiin a chim. Trump chim mi hi ramdang hruaitu pawl zong nih an zum ning a si, Japanese Prime Minister Shinzo Abe zong nih interview a tuahnak ah a chim mi cu

China nih Taiwan tuk ding in a tu lungawktawng in a um lio a si tiin a chim, Mah bantuk in Japanese Prime Minister bia a chim ruangah

China Assistant Foreign Minister Hua Chyunying nih Abe bia chim mi cu thil sual tuk mi a si, China le Japan karlakah buainak a chuahpi tu a si lai tiin

Taiwan’s New Power Party (NPP) Lawmakers pawl nih, 2022 Beijing Winter Olympics, Boycott an duh i proposal an ser, a tlamtling khawhnak ding caah Party dang he an ceih cuamah lio a si. Press Conference NPP legislator Chen Jiau-hua nih a chim mi cu, China ram ah Olympic tuah tlak an si lo- human rights violations ,

ethnic groups thlei dang a hmang  mi, biaknak ah thleidangnak an ngei, & nu tlaihrem kongah an min a chiat ngai caah. NPP legislator Claire Wang nih Taiwan cozah nih

Beijing Winter Games boycott ding in resolutions pass ding in heh tiah tim tuahnak an ngeih lio tiin a chim ve. Taiwan East Turkestan Association (TETA) President Ho Chao-tung nih China nih Uyghurs genocide an tuah tak tak maw ti fiangternak ngeih ding in Democracies ram vialte nih “Uyghur Tribunal” issues ah rian kan tuan ti a herh tiin a chim. Cred-RTK