Trump nih a hawipa Rivera sin ah a chim mi, Rivera nih a phuan mi kongah US mipi a lauter bak ko

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

President Trump le Joe Biden kong ah vawlei cung ramkip kan buai dih ko cang. Ram dang nih US hi he tiah an zoh peng mi a si caah US hi vawlei cung caah a biapi tuk mi a si ti fiangtein a langter

President Trump nih caan saupi a hawikom a rak si mi, Talk Host Rivera, Geraldo Rivera he interview a tuahnak ah thil vialte cu a caan a phan tikah a tuah lai tiah a chim.Trump hi sungh a thei lo mi tiah rak au tawn mi a si

President Trump hi public hmaiah a lang lonak a sau ngai cang i, A hawikom tha ngai mi, a zum ngai mi he telephone in i chawnnak an ngei mi langter a si. A hawipa Riveria nih hin an nih chawn ning a chim ning a cun

President Trump hi realistic ngai mi a si i, a caan aphan tikah a cawlh cang tawn mi tiah a chim. Atu thil si mi kong zongah a caan a vun phan tikah a si ning te in a vun cawlhcang than te ko lai tiah a chim chap.

Democrat pawl nih Russia he pehtlaihnak a ngei ruangah Trump cu President a si tiah dothlatnak an rak tuah i, House ah impeachment an tuah mi vialte kha Trump nih a philh kho hrim lo.

Saupi kan nih chawn lo, natein kan nih chon lio ah a chim mi cu, vote a sungh mi vialte hi a dihlak in a si ning langter ding in a dawng tiang doh a tim tiah a chim

White House Press Secretary Keyleigh McEnany nih press Briefing ah a ngei lo, natein Foxnews ah, President nih amah inauguration ah bak a um lai ti ka zum. President Trump interview nak hi a langter lo, natein a dawng tiang thil sining fiangter ding in doh a tim tiah a chim.

Tu lio cu thawngpang hi a linsa tuk cang i, zeibantuk hi a hman mi a si ti zong thei fiang a si kho lo, kan mah le support mi lei media hi kan rel bik mi a si caah a rel tu zawng nih thei thiam i zuam hna u si. Credit-RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Trump nih a hawipa Rivera sin ah a chim mi, Rivera nih a phuan mi kongah US mipi a lauter bak ko"

Leave a comment

Your email address will not be published.


*