Trump nih Breaking News bak a vun chuahpi hoi cang; Pennsylvania ah thawngpang thar

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

US President election cu a buai chin lengmang cang ko, tu tiang zeihman thil sining fiang cik cek in election commission lei nih an chim phuan kho lo caah mii cu vaivuang in an um can.

President Trump nih breaking news a vun ngei hoi cang, tu tiang mipi an vaivuang tuk cang, Democrat lei Media an rel i, Joe Biden tei ko an ti, Trump social Media ah ca tial mi an rel than i, Trump nih a tei bak lai an ti than.

President Trump nih Election ah teitu ka si tiah a vun chim thang hoi cang/’I WON THE ELECTION!’ tiin Twitter le facebook ah a tial. Trump campaign nih Zarhpi ni ah lawsuit thar an ap than mi ah,

Pennsylvania nih Joe Biden victory certify nak ding caah block tuahnak ding lam an kawl lio. Democrat voters pawl hna cu Repulican pawl vote nak in usa pek deuh an si tiin complaint an tuah

Pennsylvania lawsuit thar ah hin Democrats counties ah ballots thalo mi hna cu remh than ding in caan pek an si lio ah, Republicans counties ah remh thannak ding caan an pe duh hna lo.

Voters pawl signature etc a fel maw tiah he tiah check an tuah terh mi kong zong tel chi a si. Mah lawsuit hi cohlan piak a si a cun Republican pawl caah thawngtha a si ve lai

Cliff Levine, Democratic National Committee lawyer nih cun voters zeizat dah vote fix than ding in thei terh an si ti a fiang lo ning kong a chim. Biden nih Trump a teinak hi 70,000 leng a si.

Philadelphia lei ah Trump’s campaign representatives hna cu mail-in & absentee ballots zoh an sian hna lo ti a chap. Trump legal team nih lawsuit an ap mi hi voihnga hlawn piak an rak si cang kha

Pennsylvania state ah November 23 hi a tling mi certifiedĀ  an tuah nak ding caan a si. Mah hi Trump Team pawl nih block nak ding caah he tiah rian an tuan lio a si. Zeidah a law te lai. Source-RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Trump nih Breaking News bak a vun chuahpi hoi cang; Pennsylvania ah thawngpang thar"

Leave a comment

Your email address will not be published.


*