Trump nih Democrat hruaitu pawl thil tuah ning hmang in Republican hruaitu pawl a phomh ning cu ningzah tuk si cang

President Trump cu tu tiang ka sungh ti a chim duh lo, 2020 election hlennak in akhat ti lawngte a lungah a um cang, Heh tiah thil dik langter a zuam lio ah Republican pawl hruaitu an um sawh sawh mi nih a lung a fakter ngai

Trump nih Twitter le Facebook ah Republican pawl hruaitu a phomh mi hi mi tampi lungput le hmuh ning zong a si. A chim mi cu, Election ah Democrat President cungah vote hlennak tuah si seh, raltuk tiang an phuan cang lai i, thi tiang heh tiah an cawlh cang lai

Natein Republican hruaitu pawl, ahlei in Mitch le a dang cu zeihman tuah lo in an um sawh sawh ko, zeihman tuah an nih tim lo. Thil dik langter zong an nih tim lo tiin a lungtlin lonak heh tiah a chim

Trump nih mah bantuk in Twitter le Facebook ah tial mi hi, mi tampi comment an pek mi ah, Mr. President, na chim mi hi a dik tuk mi a si. Democrat pawl cu, a dik lo mi, Russiagate/Muller investigation ah thih tiang an ngam kha tiin

A dang nih. US ram hi a rawk dih cang. Mah bantuk thawngpang a um mi kongah dothlatnak tuah duh lo in daitein Justice Department a um sawh sawh mi hi US hi zeitluk in dah a rawk cang ti a langter tiin comment an tuah.

President Trump chim ning a cun 2020 Election cu Democrat pawl nih an fir ti bak si. Tu tiang ka sungh ti a chim duh lo. President Trump nih voter fraud a tam ning heh tiah tu tiang a chim peng

Trump hi kum 2016 ah vote 63 million hrawng a hmuh, kum 2020 ah vote 74 millions a hmuh, kum 2016 nak in kum 2020 ah 10 million leng in vote a hmuh mi a tam deuh

Voter Fraud kongah tehte kan ngei dih tiin a chim. Mah vialte hi Supreme Court ah kan ap, natein supreme Court nih a cohlan lo. Mah bantuk in US Supreme Court nih a cohlan lo mi cu mak a ti ngai

President Trump nih Supreme Court cu heh tiah a phomh cang. US supreme Court cu zeihman a si lo, a dertuk mi le thil dik langter kho lo mi a si tiin a chim facebook le Twitter ah a phomh hna

2020 Election ah vote hlennak tampi a um, mah vialte hi proof (atak a si ti langter nak) kan ngei dih. Natein Supreme Court nih mah vialte hi an zoh duh lo. Ceih tlak a si lo an si. Election ah hlennak a um a cun, Ram kan ngei lo tinak a si, tiin a chim.

Be the first to comment on "Trump nih Democrat hruaitu pawl thil tuah ning hmang in Republican hruaitu pawl a phomh ning cu ningzah tuk si cang"

Leave a comment

Your email address will not be published.


*