Trump nih foxnews interview ah Joe Biden cu mualpho bak in a chia ko

Kawlram chungah buainak fakpi a chuak lio ah US ram chungah, southern border ruangah US politician pawl zong heh tiah bia le hla in an nih thuat thluamah ve cang ko hi

US southern border ah phunglam lo in US ram chungah lut a tim mi an tam tuk caah Trump a sum kho ti lo, Joe Biden cu ceilak in a phomh cang. Former US President Donald J. Trump nih Illegal migrants pawl

US ram chungah lut a tim mi an tam tuk caah Border Petrol pawl nih Trump cu Southern border zoh/tlawn ding in an sawm caah Trump nih a rah ding mi zarh ah kal a tim tiin a chim. Joe Biden admin nih “Remain in Mexico Policy a dawngter ruangah a tu hi ramri a buai ah rian tuantu pawl an buai tuk cang.

Trump nih foxnews Judge Jeanine Pirro interview nak ah, a chim mi cu, Joe Biden admin nih Migrant protection protocol an hlawt mi, poi a ti ning a chim

A chim chap mi cu, mi tampi nih border va zoh/tlawn ding in an ka duh, ICE le midang nih border zoh/tlawn seh ti an ka duh. mah ruangah ka kal hrim lai. mi tampi nih rian tha tha, rian sunglawi tuk mi, rian ropui tuk mi an tuan, Mexico hi mi tampi nih an chuahtak mi hi a dik lo.

US ram chungah  thih hlan tiang um ding in a rah mi lawngte an si. Atu hi tamtuk an rah cang, A rah ding mi tamtuk a um ri. Millions tampi nih US ram chungah rah ding in lam an kawl cuamah lio.

Atu kan dirhmun hi tih a nung tuk cang. US ram nih a tuar tak tak cang lai. Trump nih a chim chap mi cu, Border buainak kongah i thlak ka duh lo, Mah kongah hin zeihman chim loin daitein um ka duh.

Millions of people an rah, I thlak lo hi tha ka ti bik. Mah kongah midang i thlak seh ti ka duh tiin a chim. Mexico President nih Joe Biden a phomh mi cu  Trump nih a thangthat ngai i, Joe biden cu ceilak in a soisel than i, Joe Biden nih Mexico ah va kal i, mah buainak dawngter ding in lam a kawl ding a si.

Mexico ah va kal i, biachanak a va tuah ding a si. Natein mah bantuk in US kan buai tuk lio ah zeihman tuah lo in daihtein a um peng . Atu cu Mexico he zeihman rian kan tuan ti khawh ti lo.

Mexico president kha ka cungah a tha tuk, hawikom tha kan si hlei ah mi i fit tuk mi a si. President ka si lio ah Mexico in phunglam lo in a hohman an rah lo.

Mexico’s southern border in United States chungah a rah mi an um lo, tin a chim. kei president ka si lio ah China nih US cu a kan upat ngai, a kan tih zah ngai, natein Joe Biden President a vun si cu, kan ram chung,

US chungah bak ah China nih sual an kan phawt i, a duh duh a chim i, thil thalo tuah tu ram bantuk in a kan chuah cang tiin Joe Biden cu ceilak in a phomh chap. Credit-RTK

Thawngpang ka tial mi hi source zumtlak mi nih an tial mi lawng ka post tawn. Cu caah thawngpang a hman lo mi le a dik lo mi, mipi sin ah thanh le tial hi kan chin miphun caah thil thalo a si caah tial ka tim lo. Chinpage thazang a ka pe tu vialte nan sin ah lunglawm bia ka chim. Chinpage hi like le follow vun tuah ve law, US thawngpang le vulei cung thawngpang a hman mi ka post mi na rel khawh peng lai. By-ChiefEditor

Be the first to comment on "Trump nih foxnews interview ah Joe Biden cu mualpho bak in a chia ko"

Leave a comment

Your email address will not be published.


*