Trump nih January Ni 6 ah Mike Pence sin ah tuah ding mi a chim mi cu The New York Times nih a phuan piak

January Ni 6 hi US mipi caah tih nung tuk mi a chuak lai tiah mi tampi nih an zum ning a si cang. Joe Biden cu President elect a si tiah Mike Pence nih a phuan zong ah buainak a chuak lai ti zum a si

Swing State electoral vote cohlan lo in, Mike Pence nih Trump cu teitu a si, President elect a si tiah a phuan zong ah buainak a chuak hrim lai ti cu US mipi tampi hmuh ning a si cang

Mike Pence nih Trump cu teitu a si ti a phuan lai ti an ti tuk caah Department of Justice nih Mike Pence cu zeihman tuah khawh lo ah um ding in taza an cuai ve kha. A linsa chin lengmang ti a fiang cang

The New York Times nih a phuan ning a cun, President Donald Trump cu mah bantuk in Department of Justice nih thil an tuah caah a nuam lo ngai tiin a langter

Cun a langter than mi pakhat cu, January Ni 6 ah President Trump nih Mike Pence sin ah, Congress Joint Session ah, “suprise” tuk mi phuan ding in a ti tiin The New York Times nih an tial. Source-The New York Times

January Ni ah Congress Joint Session leader ding mi hi Mike Pence a si. Mike Pence nih Swing State ah Electoral vote kha a duh a cun cohlan lo in a um kho mi a si. Mah kongah Republican le Democrat lei nih Texas Federal Court ah lawsuit an ap ve ve cang kha

Mah bantuk in Mike Pence nih nawl a ngei mi hi Democrat nih cun phih piak an nih tim caah lawsuit hi an ap ve mi a si. Mike Pence nih January Ni 6 biakhianak a tuah ding mi hi appeal tuah khawh a si ti lai lo

Be the first to comment on "Trump nih January Ni 6 ah Mike Pence sin ah tuah ding mi a chim mi cu The New York Times nih a phuan piak"

Leave a comment

Your email address will not be published.


*