Trump nih Joe Biden a ti ning cu a dik tuk caah USA mipi an lau bak ko

Ka chim cia bantuk in mah Chinpage ah hin US thawngpang ni fatin 4/5 lengmang ka ttial tawn caah, US thawngpang ni fatin rel na duh ah cun mah Chinpage hi like/follow vun tuah law, nikhat ah US thawngpang foxnews, UStoday, USnews le, Christianheadline le Christianpost nih an ttial mi poah cu na rel khawh peng lai

US Presidential race cu angai nuam chin lengmang cang, Trump le Biden zong fakpi in an nih soisel, phomh thluamah cang ko. Joe Biden nih a vice President caah minak nu thim a duh, mah konga ah Susan Rice hi alar ngai mi,

US ambassador tu UN ah a rak ttuan cang mi le Obama lio ah Obama Admin ah a rak ttuan cang mi a si. Mipi nih an duh ngai mi a si, Natein a fapa hi Republican a si, Republican nih an bochan ngai mi, rian ttuantu a si ve caah Democrat pawl an buai ngai

Joe Biden nih Vice President thimnak kongah tu tiang biakhianak a tuah rih lo, mah kongah President Trump nih Joe Biden cu ceilak in asoisel. Trump nih a chim mi cu, American mipi nih hin Presidential Election ah hin Vice President a si ding mi zoh in Mee an pek bal lo.

Mipi nih Vice President an vote bal lo, Mike Pence (Trump nih Vice President caah a thimmi) hi uar um tuk mi a si, amah hi Vice President tha tuk mi a si, a rian ttuan mi zong a tha, thil tuah ding mi ka tih mi poah thatein a tuah lengmang mi a si, natein US mipi nih Vice President an vote bal lo.

Na duh ah cun Vice President caah George Washington zong na thim khawh. Abraham Lincoln kha vun nun tthan seh law, na duh ah cun Vice President caah na thim khawh, Natein mipi nih Vice President zoh in Mee an thlak bal lo. tiah Fox Sports Radio’s “Outkick the Coverage” ah Clay Travis he biaruanak an ngeinak ah a chim. Credit- foxNews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump nih Joe Biden a ti ning cu a dik tuk caah USA mipi an lau bak ko"

Leave a comment

Your email address will not be published.


*