Trump nih kum 4 chung in a phuan duh lo mi Joe Biden nih thlariat a tuan hnuah a phuan

US hi vawlei super power ram a si caah US dirhmun hi cu mi vialte nih thei kan duh mi le kan rel huam ngai mi a si caah mah Chinpage hi US thawngpang lawng ka tial tawn. Like le follow vun tuah ve law, US thawngpang thar mi poah na rel khawh peng lai tinak a si.

Trump administration lio ah, kum 4 chung in nuclear Warhead Arsenal an ngei mi an phuan bal lo mi cu President Joe Biden thlakua hrawng lawng President a vun tuan bak in

US warhead Arsenal dirhmun cu vawlei cung thei ding in a phuan cang. Biden administration nih 2020 September thla tiang,

US military 3,750 active & inactive nuclear warheads an ngei ti vawlei cung thei in an phuan cang. An ngei mi a tlawm ngai tinak a si. Natein kum 2019 nakin kum 2020 ah Warhead Arsenal cu 55% in a tlawm deuh tinak a si. Former President Trump kha, Russia he, Intermediate-Range Nuclear Forces (INF) treaty an ngei mi in a phuah.

Biden administration nih Russia cu ‘arms control talks’/ New Start Treaty kongah i chawnnak ngei pi an nih tim.

Cun, kum 5 extension ah hnatlaknak an ngei hlei ah, thil dang ah i chawn lengmang si seh tiin hnatlaknak zong an ngei.

Russia’s foreign minister Sergey Lavrov nih a chim ning ahcun, TASS news agency sin ah Russia nih Comprehensive Nuclear Test Ban Treaty (CTBT) kir than din lam kaupi a hun piak ti a chim. Atu dirhmun zoh ahcun, US nih Cold War hnuah nuclear warheads an ngei tlawm bik caan a si,

US nih Warhead a ngei tambik lio ah a ngei mi dihlak cu 31,200 warheads leng a si. Cred-RTK

Salai lungthli tum nih a tial mi a dik ngai mi cu….2021 Nobel daihnak laksawng: a sunglawi hringhran ko Vawleicung laksawng lakah tihzah bikmi

2021 Nobel daihnak laksawng cu Philippine journalist Ms Ressa le Russia journalist Mr Muratov nih an ngah. Thihphaihnak lakah tihnak ngei loin a dikmi thawngpang poah poah mizapi sin an phuan ngam i zalawng tein chimphuan khawhnak ‘freedom of speech’ an dirhkamh caah hi laksawng sang bik an pek hna hi a si.

Ms Ressa hi Philippines President Duterte a riantuannak a dik lomi vialte le a nawlngeihnak ningcang loin a hmang i minung tampi a thah hna nak kong vialte a phuang lengmangtu a si.

Duterte tanpitu nih cun ram rawitu tiah an ruah i thah an duh, ‘kan in thah lai’ tiah an tlerh tawn. Duterte cozah zong nih taza an cuai lengmang mi a si.

President Duterte a sualnak vialte a phuan piak lengmang i nai kha Duterte cu politics in kai din cang lai a ti beh (adikmi nih teinak a co). Mr Muratov zong hi Russia ah Putin cozah an eihmuarnak vialte a phuang dih lengmangtu a si. A riantuanti hawi 6 thah an tong cang, amah zong thah ding an tlerh lengmang ve.

Nain, tihnak ngei loin a dikmi thawngpang kha mipi sin ah a thanh zungzal hna caah daihnak laksawng sang bik an pek ve hi a si.

Laksawng phaisa $1 million an ngah, an i cheuh lai tinak a si. Suu Kyi nih 1991 kum ah a ngah vemi bantuk kha a si. Nawlngeitu an sualnak phuan hi misual le a tanpitu hna nih cun ‘buainak le thenchenak’ chuahpi tiah an ruah.

An sualnak a lang dih ding an tih caah a dikmi a phuangtu hna kha an rem hna lo, thah ding an tlerh tawn hna.

Nain, a sualmi an sualnak phuan piak khawh lawng ah dinfelnak a um kho i daihnak le i remnak a leng. Cucu tutan Nobel Peace Prize nih fiang tein a langhter.

Be the first to comment on "Trump nih kum 4 chung in a phuan duh lo mi Joe Biden nih thlariat a tuan hnuah a phuan"

Leave a comment

Your email address will not be published.


*