Trump nih Supreme court Judge caah a thim mi, Amy coney kongah Democrat pawl karlakah buainak um cang

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

Tu lio thawngpang a linsa ngai mi le US mipi nih thei an duh ngai mi pakhat cu Supreme Court Judge Amy Coney Barrett kong hi a si. Senate floor ah Republican pawl nih confirm an tuah cang i, a tu cu house ah confirm tuah ding lawng a um cang

Trump nih a duh ngai mi a thim mi Amy Coney Barrett cu Democrat pawl nih an duh lo ngai, a ruang cu Democrat pawl nihan tih ngai mi pahnih cu Obama Care le Abortion cu Amy Coney hi a hlawn piak hna lai tiah a tih caah a si

Zahan Senate ah Confirmation kong an chimnak ah Democrat pawl nih Supreme Court Judge Amy Coney fehternak tuah ding mi cu Election hnuah si seh tiah postpone si seh tiah an duh ning an chim. Natein Senate Majority Leader McConnell nih Democrat pawl duh ning cu a phih piak hna

Democrat pawl nih fakpi in Senate ah an doh i postpone a si kho nak ding caah ceilak in bia an chim hnuah Republican pawl nih an bia chim mi cu ek ah hman an rel piak hna lo caah a rang kho in fehternak tuah a si lai

President Donald Trump nih Amy hi a thim caah Amy an duh lo ruangah si lo in Trump duh lo ruangah Democrat tampi nih Amy hi an doh ngai. Trump nih a tuah mi poah hi tlamtlingter an nih tim lo ruangah a si

 Senate Democratic leader Chuck Schumer of New York nih Amy Coney Barrett hi a thangthat ngai, Monday hlan ah na duh ning bantuk in vote kan nih pek lai tiah a chim mi cu, Republicans pawl nih closed-door meeting a rang khawh in an ngei

Senate ah 53-47 Republican majority an si , Democrats lei in mi pahnih (2) nih Amy Barret confirm hi an duh tiah thei a si. Credit-RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Trump nih Supreme court Judge caah a thim mi, Amy coney kongah Democrat pawl karlakah buainak um cang"

Leave a comment

Your email address will not be published.


*