Trump nih Supreme Court Justice an fehter ding mi kong a chim mi cu Democrat pawl an lau bak

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

Trump nih Twitter ah fiangtein a ttial cang. Democrat pawl nih an celh lo i, tu lio thawngpang linsa tuk mi si cang. Trump Covid a ngei mi kongah Democrat pawl nih ceilak in an soisel thangchiat mi cu Trump nih zeihman ah a rel piak hna ko

Tu lio thawngpang a linsa ngai mi pakhat US Supreme Court Judge thimnak kong a si. Trump nih President hi kum 3 caah thim ka si lo, Kum 4 caah thim ka si caah Supreme Court Justice caah thim khawhnak nawl ka ngei tiah a chim

Trump nih Supreme Court Justice caah a thim mi, Justice Amy Coney Barrett cu fawitein zeihman buainak um lo in le rang ngai in fetter a si lai tiah twitter ah a tial

Trump nih mah bantuk in Twitter ah a tial hnuah Democrat pawl nih an celh bak lo i, fakpi in an soisel thangchiat tthan hoi.

Democrat pawl nih Judge fekter a si lonak ding caah a her ning tein rian kan tuan lai. A her ah cun Washington zong mei in kan khangh ko lai tiah Trump tlerhnak bia an chim

Natein President Trump nih mah bantuk in Democrat pawl nih tlerhnak bia an chim mi cu zeihman ah a rel piak hna lo. Supreme Court Justice caah Trump nih a thim mi Amy Coney Barrett fekter a si nak ding kongah Senate Majority Leader Mitch McConnell cu a chawn cang.

Trump nih a rian ttuanti pawl hna cu Coronavirus bawmhnak kongah zeihman tuah ti hla u, Nancy Pelosi nih Democrat pawl nawlngeinak State ah dik lo ngai in le a pehtliahlomi ah hmang a tim caah tiah a chim cang hna. Source- Foxnews

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chinpage Editor

Be the first to comment on "Trump nih Supreme Court Justice an fehter ding mi kong a chim mi cu Democrat pawl an lau bak"

Leave a comment

Your email address will not be published.


*