Trump nih teinak a hmuh lo ah cun a inn liam ding in a kamh; Aruang cu

Trump a thei fiang mi nih cun President a si tthan lai ti cu an zum ngai. Tu lio US thawngpang cu ngai a nuam chin lengmang cang. Presidential race boruak a sang tak tak cangi, i soisel, thangchiat lawngte nih 2020 election kong cu a khat dih ko cang

President Trump nih Ohio ah November thimnak ah teina a hmuh hrim lai tiah ” House Judiciary Committee Ranking Member Jim Jordan, R-Ohio, nih “The Story” sin ah Nili Ni/Thursday ah a chim.

Nili Ni ah President Trump cu whirlpool manufacturing plant a tlawn i, mah ka hin Jordan nih a zul ve. Sandra Smith sin ah a chim mi cu, Trump duhtu cu an tam tuk hrinhrag, President Trump nih Electoral vote 18 cu a hmuh dih lai tiah a chim

Airport in whirlpool plant umnak tiang, lampi ah mipi an khat dih, Trump flags, Trump Banner, Trump hats lawngte si ko, mah bantuk hmuh kha a nuam tak tak tiin a chim

Kum 2016 ah khan Trump nih 8% hmangin Hillary Clinton kha a tei. Poll hmahnung bik RealClear politic polling ah Democratic nominee Joe Biden nih 2.3 in Trump cu a tei. Ohio hi Trump caah a pawimawh tuk mi a si. Republican nih Ohio ah teinak an hmuh lo ah cun President a si khawhmi an um bal lo

Jordan nih a chim mi cu, kum 2016 lio ah teinak a hmuh bantuk in Trump nih Ohio ah teinak a hmuh lai, Kum 2016 nak in tam deuh in teinak a hmuh lai. “Trump nih teinak a hmuh lo ah cun ka inn hi ka liam lai ti ka kamh” tiah a chim.

Trump president a si hnuah Ohio ah fakpi in rian a ttuan i, rian tampi a ser hna. Rian ngei lo an um ti lo ti bantuk si cang. Jordan nih a chim mi cu ka mit in ka hmuh mi hi midang nih hmuh ve se, ka kamh ning bantum in an nih kamh ngam cio lai tiah a chim.

Ohio Driver, Democrat a rak vote peng mi nih, tu kum cu Trump ka vote cang lai, a ruang cu, kum saupi, Ohio state ah rian a ngei lo mi tampi an rak um, rian ttuan ding a um lo caah mipi kan sifak ngai, natein Trump President a si hnuah zei poah a thleng dih cang.

Tu cu rian ttuantu ding in minung zong kan hmuh khoh bak ti lo, aruang cu rian a tam i, mipi rian an ttuan dih cang caah, tu kum cu Trump ka vote lai tiah a rak chim ve cang. Credit- FOXNEWS

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump nih teinak a hmuh lo ah cun a inn liam ding in a kamh; Aruang cu"

Leave a comment

Your email address will not be published.


*