Trump nih teitu ka si tiah a chim i, Vote dihlak a hmuh mi zon alangter ve cang, A buai chin lengmang ko hi

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

Kum 2020 US presidential Election cu buainak in akhat dih cang, Trump nih tu tiang a cohlan duh fawn lo, Social Media ah hetiah a lungput a langter lengmang caah US mipi lawng si lo in vawlei cung ramkip nih he tiah an zoh cang

President Trump nih Election result cu a cohlan lo ti fiangtein a chim cang. Trump Campaign pawl nih Nikhat Ni/Monday lei ah Supreme Court ah lawsuit an ap than lai ti fiangtein an chim cang. Trump campaign pawl nih State kip ah vote rel than ding in court ah an kal pi cang

Trump nih tu tan i thimnak ah teitu ka si, vote a hman mi  71,000,000 ka hmuh tiah a langte cang i, Cook report nih a langter ning a cun, vote 70,897,293 a hmu,

Biden nih 75,439,774, popular vote nih hin election ah zeihman power a ngei tuk lo. Kan rian ttuantu pawl cungah thil thalo tuk mi a tlung, Vote an rel mi kan zoh ding mi an duh lo.

Mah bantuk hi a rak tlung bal lo mi thil a si. Bad Things tiah a chim mi hi zeibantuk a si ti fiangtein a chim lo. Georgia ah Trump Campaign pawl nih Polls rel hnuah 75 ballot a ra chap tiah thawngthanghnak an tuah cang. Credit- Trump official page

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Trump nih teitu ka si tiah a chim i, Vote dihlak a hmuh mi zon alangter ve cang, A buai chin lengmang ko hi"

Leave a comment

Your email address will not be published.


*