Trump nih Twitter hmangin Joe Biden a leh mi nih US a hninh ngai. A dik tuk hrinhrang

US President si ding in Democrat lei nih Presidential Candidate caah an thim mi Joe Biden cu Convention/khawmpi ah tlamtlingtein fehter a si cang. Democrat Convention ah an bia chim mi pawl cu Trump soisel le thangchiat lawngte a si. Zei bantuk in US kan ser tthan lai i, kan thawngter lai ti lei pakhat hman um lo

Mah Chinpage ah hin US thawngpang ni fatin 4/5 ka ttial peng caa, US thawngpang thar mi poah na rel duh a cun mah Chinpage hi like/follow vun tuah law, ni fatin thawngpang thar bik mi na rel khawh peng lai tinak si

Democrat Convention ah Joe Biden cu Presidential candidate si ding in fehternak an tuah hnuah, Jeo Biden bia chim mi cu,” America ram chungah buainak vialte, i remlonak, Coronavirus ruangah economy a hrawh mi vialte, i ruallonak vialte, Phun thleidannak vialte hi ka ser tthan dih lai” tiah a chim

Ka bia chim mi hi tlam ka tlingter hrim lai ti bia ka kam, nan ka zum tak tak i, President dirhmun ah nan ka chia a si ah cun, a chia bik si lo in a tha bik in rian ka ttuan lai, US ram chungah muinak si lo in Ceunak ka tlungter lai,  Tuah sual mi zeihman ka ngei lai lo, kan zah in mah bantuk hi kan tuah khawh, mah bantuk America nih caan chia a tawn mi hi caan tha ah kan ser tthan lai” tiin a chim

Mah bantuk in bia chimnak a ngei nak ah, US mipi sin ah biakam bantuk in a chim mi hi President Trump  nih Twitter hmangin a vun leh cawlh i. President Trump nih Joe Biden a leh mi cu mi tampi nih an uar ngai mi le a hman tuk mi a si an ti.

Trump nih Twitter ah ” Kum 47 chungah, atu bantuk in a chim mi, a tuah mi pakhat hman a um lo. Zeihman thleng ding mi a ngei lo, aka lawng in a chim sawh sawh mi a si” tiin Twitter ah Joe Biden cu a phomh.

“In 47 years, Joe did none of the things of which he now speaks. He will never change, just words!

Trump nih a leh mi hi mi tampi nih cun an uar ngai. Aruang cu Joe Biden hi kum saupi, kum 47 hrawng US politic ah rian a rak ttuan cang mi a si.

Natein a ttuanbia zoh ah cun US caah rian ttha a tuah mi a um lo. Tu lio ah a lar ngai mi pakhat cu a fapa he China ah an kal i, US an ra tthan zarhkhat hnu ah a fapa Bank account ah China cozah nih tangka tampi a vun pek mi a si. (Mah kong hi Chinpage ah fiangtein ka ttial cang kha) Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump nih Twitter hmangin Joe Biden a leh mi nih US a hninh ngai. A dik tuk hrinhrang"

Leave a comment

Your email address will not be published.


*