Trump nih vawlei cung ramkip nih an kan zoh cang tiah a tial mi cu Joe Biden caah ningzah tuk mi si

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

Tu lio thawngpang cu a dik mi le a hman mi thei a har ngai, American media hna hi thil dangah cun zum tlak an si ngai, natein politic ah cun lih le hrokhrawl in a tial mi an tam tuk ve caah mipi vaivuang in kan um ko

President Trump nih Joe Biden cu social Media hmang in he tiah a vun phomh hoi cang. Ka rian ttuanti pawl hi dik lo in vote thlak mi tampi a um mi an hmuh lio ah, zeiruangah dah Joe Biden nih President si kho nak ding caah rian ttuantu a thim hna

State pali ah thil zeipoah a thleng kho mi a si, teitu dirhmun ah kan dir kho mi a si, Court le legislature nih US ram i thimnak ah zum awktlak ngai in thil an rak tuah tawn bantuk in tu tan thil a cang mi zongah rian an tuan lai ti ka zum

Election hi mipi nih an cohlan khonak ding caah America caah zumtlak in rian an tuan lai ti ka zum. Vawlei cung ramkip nih an kan zoh cang ko hi tiin President Trump nih social Media ah a tial

State paruk ah election kongah zeihman thil sining state cozah nih a fiangter kho lo caah, Emergency appeal an tuah mi cu Supreme Court nih a cohlan cang.

Atu hi Supreme Court Judge panga nih state paruk ah buainak a um mi cu thatein dothlatnak an tuah lai i, mah hnuah biakhianak an tuah te lai. Chinpage ah fiangtein ka tial cang kha, source ka laknak cu theepochtimes a si

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Trump nih vawlei cung ramkip nih an kan zoh cang tiah a tial mi cu Joe Biden caah ningzah tuk mi si"

Leave a comment

Your email address will not be published.


*