Trump nih Visa kong a chim: Chinmi caah thawngchia bak si ko

USA visa kongah President Trump nih fiangtein a chim cang. USA ah um Chinmi tampi ca zongah thawngchia bak si ve. Nu le pa, U le nau a ua mi tampi an um, natein Trump nih Visa a phih ruangah tu tiang USA ram chungah alut khawh lo mi tampi an um.

Coronavirus thawngpang a vun chuak, lam a um ti lo. Tu cu Coronavirus ruangah international vanlawng zong onh a si thluamah cang, natein Visa lei ah buainak tampi a vun chuak tthan hoi

President Trump nih Coronavirus ruangah US Economy vennak ding caah kum 2020 dawng tiang Green Card le Visa kongah fakpi in strict ngai in rian ttuan ding in The Trump Administration cu nawl apek. Natein mah visa le Green Card ah hin America caah thiltha a chauterding mi pawl High-skilled tech workers, non-agricultural seasonal helpers, auto repairs & top executives hna cu zalawng tein Visa le Green Card lam kawlpiak an si lai

Thil sining cu The White House nih hin American Jobs pawl hna hi America ram chungah um mi, America citizen pawl nih an ttuan ding mi caah chia piak an si lai tinak a si. Critics pawl nih Trump admin cu ceilak in an soisel tthan i, The White House nih hin coronavirus pandemic cu caan tha ah hmangin Immigration pawl caah lam an kharpiak hna hi a si an ti

Visa le Green card phihpiak an si ruangah, harnak a tawn ding mi minung cu 525,000 leng an si lai tiah zum a si. Tu hi minung 170,000 hrawng nih green cards extend an tuah ri lo. Mah nih hin “grants permanent residence to foreigners. ” a block dih

Mark Krikorian, executive director of the Center for Immigration Studies, nih a chim ning ah cun mah bantuk in President Trump nih thil a tuah mi ruangh cu “Trump Administration nih American mipi nih rian ngei lo in an um lonak ding caah mah bantuk in mipi caah rian a tuan mi hi a si,” tiin a chim.  Source-The Guardian

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump nih Visa kong a chim: Chinmi caah thawngchia bak si ko"

Leave a comment

Your email address will not be published.


*