Trump nupi Melania nih a pasal le a chungkhar a zohkhen ning hi khuaruahhar tak tak si

US ah um Chinmi, a hlei in pasal a ngei cang mi hna kha President Trump nupi, Melania Trump nih a pasal a zohkhen ning le a chungkhar a zoh khen ning hi vun rel ve law, tha na ti ah cun like le share vun tuah ve law.

Mah Chinpage ah hin US thawngpang nikhat ah 4/5 lengmang ka ttial caah, US thawngpang na rel duh a cun Chinpage kha Like/follow vun tuah law, ni khat ah US thawngpang 4/5 na rel peng lai tinak a si. Melania Trump cu US President Trump nupi a si ti kan thei dih ko, natein kan thei lo mi, zeitindah apasal le a chungkhar a zohken ning ti hi Chin mipi nih kan thei a her ve tiah ka ruah caah ka vun ttial lai

Melania Trump hi US firs lady (President nupi) ah cun a mak bik a si lai tiah an ti mi a si. Amah hi feet 5.11  a si sang mi a si. Holh paruk, English, France, German, Italian le Serbian holh a thiam tuk mi a si. Amah hi a native (a umnak ram) in English a hmang bal lo mi a rak si. April 26, 1970 ah Communist ram, Novo Mesto khua, Slovenia ah a chuak mi a si. A chuaka in a min cu Melania Knauss ti a si. Amah hi Khrifa a si i, a hngakchia lio ah a thlihtein Baptisma cangter a rak si. Aruang cu Slovenia hi communist ram. Khrifa a duh lo ngai mi ram a si caah.

A sau tuk lai caah siang inn a rak kai lio ah a kong, Modelling rian a tuan ning le Architect lei ah a si ning le Modelling si ding in Milan, Italy lei ah a kal ning pawl kong cu  ka ttial ti lai lo, US a phan hnuah le Trump nupi a si hnuah a pasal le a chungkhar a zohkhen ning ka vun ttial cang lai.

Kum 1996 ah tourist visa hmangin US ram chung New york ah a lut, US ah model rian a rak ttuan i, kum 2001 ah Green Visa a ngei, 2006 ah US citizen cu a hmuh.  US ah News York a phan hnuah a kum 2 nak ah tu a pasal  Donald Trump he an nih hmuh.

An nih hmuh hmasa bik nak hi New York party nak ah a si. Mah lio ah hin Trump le  anupi cu i then ding in lam an rak kawl lio a si. Donald Trump nih Melania a hmuh hmasak bik thawk in a duh tuk caah, a mit cu a dang ah achia khawh bak ti lo. Trump nih thildang a ruat khawh ti lo caah Melania sin ah a va kal i, a phone number a va hal. Trump nih Melania cu biaruahtinak ngei ding in a sawm hna, Natein Melania nih Trump cu a phone number a rak pek duh lo.

Trump nih a chim ning ah cun Melania ka chawn khawhnak ding caah  zarkhat hrawn cu ceilak in ka rak cawlh cang tiah a chim.  Zarkhat a liam hnuah Melania he an nih chawn khawh tiah a chim. Cun Trump le Melania cu darling an vun si cang i, kum 2005 ah Trump nih a nupi si ding in kut hrolh  US dollar 1 million mak a rak pek. January ni 22, 2005 ah sunglawi ngai in zungzal nupa si sing in thitumnak an tuah

Tampi ttial ding a um, asau tuk lai caah Trump President a si hnuah apasal le chungkhar a zohkhen ning si cang seh. US ah mirum nu tampi cu sin um caah midang lakha pek in an ram lak tawn, natein Melania Trump nih cun afapa le chungkhar zohkhen ding in sin um a lak duh lo. Afa Barron Trump hi amah lawng nih a zohkhen tawn i, Donald Trump nih interview a tuahnak ah a chim mi cu, voihkhat hman ka fapa deaper zong ka thleng piak bal lo, ka nupi Melania nih inn lei ah tuah ding mi cu a dihlak in a tuah dih tiin a chim

Afapa barron Trump hi anu Melania Trump nih siang inn ah a va chia tawn, afapa thatein siang inn ah a chia hnuah melania Trump cu a rian lei ah a kal tawn. Mainstream Media nih an huat bik mi President Donald Trump nupi a si caah, Media pawl nih ceilak in an soisel, thangchiat tawn, Daily mail nih Melania Trump cu arnu bantuk a si tiah a ttial caah Melania Trump nih Daily Mail cu taza a cuai i, mah hnuah Daily Mail nih ngaithiam an hal, Ngaithiam halnak caah Malania Trump sin ah US dollar 2.5 an rak pek

British Media, “TheTelegraph” zong nih arnu bantuk in a kong an ttial caah, tazacuai a si i, TheTelegraph nih ngaithiam a hal hnuah tangka tampi an rak pek i, Mah hnuah Melania Trump cu model ropui tuk mi a si tiin  an ttial tthan

President nupi a si caah US ram caah rian ttuan ding mi tampi angei. US president Barak Obama nupi First lady a si lio ah amah bawmtu ding ah nu 23 a rak ngei tawn mi cu duh lo in, Melania Trump nih cun amah bawmtu ding caah nu 4 lawng a hmang hna.  White House hi amah le assistance caah a thim mi minung 3 lawng nih an zohkhen tawn hna i, Christmass lio ah White House Decoratin vialte cu amah le arian ttuanti 3 nih an tuah dih tawn.

Mainstream Media nih akonglam thatning an tial duh lo zong ah US mipi nih an duh ngai i, CNN poll ah cun 57% nih Melania Trump hi an duh ti a si. Apasal nak in an duh deuh tinak a si cu. A Sau tuk lai caah Politic kongah apasal a bawm ning le apasal karlakah buinak kong ah zeitin dah apasal thazang a pek ning kong hna cu next ah ka vun ttial tthan te lai. Credit- Wikepedia & Alpha colletion

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump nupi Melania nih a pasal le a chungkhar a zohkhen ning hi khuaruahhar tak tak si"

Leave a comment

Your email address will not be published.


*