Trump nupi Melania Trump nih Coronavirus teinak tha bik a chim mi nih Democrat pawl a lau ter bak ko

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

Melania Trump hi holh tam lo tuk mi nu a si, US first lady a si hnuah a pasal le fapa Barron Trump thatein a zohkhen mi a si. Trump nih a chim ning a cun ka fapa Barron Trump diaper hi voikhat hman ka thleng bal lo, kan nu nih mah bantuk rian a ka tuan ter duh lo.

A dam poah a cun amah nih chungkhar rian a ttuan dih tiah a rak chim cang kha. White House zohkhen ding in Obama nupi amah bawmh tu ding in midang paruk a rak ngei kha. Natein Trump President a vun si hnuah Melania Trump nih cun White House zoh khen tu ding caah amah bawmhtu pakhat lawng a ngei.

Melaia Trump cu a fapa Trump campaign bawm ding in Tampa Florida Trump, supporter minung 6,000 hmaiah bia chimnak a ngei. Trump nih US ram caah le Middle East ram caah rian a ttuan ning vialte cu i phorhlawknak ding caah a chim duh bal lo tiah a chim

Democrat presidential running Joe Biden nih Coronavirus ruangah US rampum cu lockdown tuah a tim. Natein Mrs. Malania Trump nih a chim mi cu, Coronavirus dohnak le teinak caah thil tha bik cu rian tthatein tuan hi a si tiah a chim.

President Donald Trump, Arizona campaign, “Kan third quarter Gross Domestic Product hi zoh tuah u, GDP  hi a kai/increase lo a cun President ka si tthan khawhnak ding caah  rak ka vote duh hla u.

Tuesday ah hin red red wave a vun tlung lai, GDP tha tuk mi kan hmuh cawlh lai. Trump bia chim lio ah mipi lei nih thazang an pek ning le an uar ning cu Democrat pawl caah mangchia bak si

US nih a hmuh mi lakah a tha bik le a ngan bik a si lai. Arizona campaign ah Brexit Party leader the ‘King of Europe’, Nigel Farage nih Trump a vun bawm, US le UK cu unau bantuk an si. Credit-RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Trump nupi Melania Trump nih Coronavirus teinak tha bik a chim mi nih Democrat pawl a lau ter bak ko"

Leave a comment

Your email address will not be published.


*