Trump nupi Melanie Trump nih a tuah bal lo mi a tuah ve ang

US first Lady ah muidawh bik le White House ah rian a ttuan tam bik tiah an ti tawn mi First Lady Melanie Trump nih a pasal a zum ning kong a chim mi nih US mipi a lauter bak ko cang. First Lady Melanie hi muidawh, ca thiam a si caah Trump nak in an uar deuh tiah an rak chim tawn mi kha a si

First Lady Melanie Trump nih a tuah bal lo mi thil, British Lifestyle Magazine Tatler he Interviews  a tuah. Mah Interviews a tuah mi hi US mipi nih a zoh mi le rel mi an tam ngai

Interviews nak ah a chim mi cu, mi sifak dirhmun in rian a vun ttuan ning le Modelling in apasal Trump le an nih umti hnuah apasal Donald Trump a zum ning le Trump nih US president si a tim ning a chim lio ah apasal a zum ning cu a chim

99 ah Larry King Live show ah Donald Trump nih US President seat cuh a tim ning kong a chim. “Kha lio ah ka pasal nih President Seat cuh a tim mi a chim mi kha a caan a si lo ti kan thei,

Natein caan a vun phak tikah cun teitu a si. Ka pasal hi a thil tuah mi ah teitu si a tim peng mi a si. Lungdawng lotein teitu a si khawhnak ding caah fakpi in a zuam peng mi a si tiah a chim

First Lady Melanija hi kum 1970 ah Sevnica, slovenia khua hmeteh ah a rak chuak mi a si. Kha lio caan a khan Economic ah Slovekia nih buainak fakpi a tawn lio a si.

Apa kha Car Dealer a si i, a nu cu Designer a si. Kum 16 a si in model ah a lut. Kum 18 a si in Milan le Paris ah duh poah in a cawlhcang ve cang

Kum 1996 ah New York ah a kal. 1998 ah Trump he Fashion party ah an nih thei,  Kum 2005 ah
Palm Beach, Florida ah Trump he thitumnak an tuah i, tu hi fapa pakhat Baron Trump kum 14 mi an ngei. Credit-RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump nupi Melanie Trump nih a tuah bal lo mi a tuah ve ang"

Leave a comment

Your email address will not be published.


*