Trump sual an phawt kho lo hnuah Joe Biden nih Cathanh a chuah mi cu ceilak in an soisel cang

President Trump cu a voihhnihnak ah heh tiah Democrat lei nih sual an phawt than i, Federal cozah rian tuan ti lo ding in lam an kawl piak. Trump hi President a si than lai ti an tih ngai

Senate ah Ni 5 a kong ceih a si hnuah President Trump cu January Ni 6 ah thil a cang mi kongah zeihman sualnak a ngei lo tiah biaceihnak in a thanh

Mah bantuk in Trump cu sualnak angei lo tiah an thanh hnuah Joe Biden zong nih Statement ah a lungtlin lonak a langter ve.

Biden nih mah bantuk in cathanh a chuah hnuah mi tampi nih US ah thil tha lo le US hrawh duh tu a dirpi tu kha nangmah na si lo maw?

BLM le Antifa pawl an thil tuah mi vialte na hmuh dih, zeihamn na chim duh lo kha. Peace Protest an ti piak peng ko hna kha tiin heh tiah comment ah an phomh ve

Biden nih a tial mi cu, Kei le Jill nih, January Ni 6 ah Capitol Hill kilveng ding in heh tiah a nunnak tiang a pek mi capitol palik officer Brian Sicknick kan tuar pinak cu zarhnih hrawng lawng a si

Tu ni ah 57 Senator, Republican lei 7 nih former President Trump cu democracy lo ning in thil a tuah tu a si tiah sual an phawt.

Senate ah tam deuh nih Trump cu sual phawt ding in an vote. Natein a dawngnak ah cun sual phawt khawh a si lo

Thil sining kongah zeihman i alnak a um lo, Senate Minority McConnell zong nih Trump cu sual a phawt duh la nain Capitol hill ah thil a cang mi kongah Trump nih a tuah ding mi le Trump cu a sual hrim ko ti a zum ko

Tu Zan ah ka ruat mi cu, January  Ni ah raltha tein  US caah a dir mi le nunnak a liam mi le an tih nung tuk mi dirhmun ah a dir mi vialte konga ka vun ruat i, Mah ni thawk in tu tiang an nun a him lo.

Democracy tha  um khawhnak ding caah heh tiah raltha tein a dirpi hna ka vun ruat. Election hlan le election hnuah, Democrats le Republicans, Election official le Judges, elected representative le rian tuantu vialte hna

Mah bantuk thil kan tawn mi nih Democracy hi zeitluk in dah a him lo ti, fawitein a kuai kho mi a si ti zungzal in theipeng a si lai.

Mah hi raltha tein kan kilveng a hauh cang. Thawngngai in kan dirpeng a hau. Mah bantuk in tih nung tuk mi thil tha lo tuah nih US ram chungah hmun hma a ngei ding a si lo.

American mi kan si bantuk in kan dihlak in tuah ding mi kan ngei. A hlei in hruaitu nih, Bia dik dirkam le lih le hrokhrawl tei ding in.

Mah bantuk in rian kan tuan hnuah lawngah, America hi a dam lai i, ramchunagh i tuk le i doh a chuak lai lo,

Mah hi kan hmaiah kan tuah ding mi a si. Mah hi kan dihlak in rian kan ngei mi cu a si, United State of America a si bantuk in, tiin Trump impeached khawh lo hnuah a chim. Source-Foxnews

Be the first to comment on "Trump sual an phawt kho lo hnuah Joe Biden nih Cathanh a chuah mi cu ceilak in an soisel cang"

Leave a comment

Your email address will not be published.


*