Trump thaisung nu Melania nih White House a ttam lio ah US Election le Christmas kong a chim mi nih mi lungthin ke kuai in a chia hna

Zumtu kan caah Jesuh chuahni tiah kan thei mi Christmas a nai ngai cang. Trump thaisung nu Melania Trump hi White House cu heh tiah a tam/decoration a tuah.

First Lady nih a chim ning a cun, US election nak in Christmas hi a biapi deuh mi a si tiin a chim. A ruang cu mi vialte caah Jesuh vawlei ah a ra ni a si.

Mah bantuk caan sunglawi tuk mi hi mi vialte caah a si tiin a chim. A tu hi Christmas Tree le Tamnak/Decoration pawl a khawm lio a si. Christmas hi Christian pawl caah caan sunglawi tuk mi a si, US election nak in a pawimawh deuh i a sunglawi deuh mi a si

Melania hi cathiam ngai mi le model muidawh a si, a holh tam lo mi a si, a thil tuah mi ah lungtak tein a tuah peng mi a si i, mi nih an soisel thangchiat zong ah a leh duh tuk hna lo. Election kongah a chim than mi cu

US election buainak fialter thatein phising khotu cu Pathian a si, Jesuh caah White House hi ropui tuk in kan tam thang lai tiah a chim.

Melania Trump nih President nupi vialte lakah a dawh bik mi le a fel bik mi tiah an rak ti tawn mi a si. Obama nupi Michelle Obama kha, white house ah a mah bawmhtu ding in minung/assistant pakua a rak ngei kha.

Trump thaisung nu Melania Trump nih mah hi zat minung hi White House zoh khen ding in a herh lo, keicu minung 3 lawng ka her a ti i, amah bawmhtu ding in minung/assistant 3 lawng a ngei. Amah hi inn lei ah amah bawmhtu ding in sinum a hlan duh lo, amah nih a inn chungkhar dihlak a zoh khen tawn

Trump nih a chim ning a cun, ka fapa Barron Trump zong hi keimah hi voihkhat hman diaper ka thleng piak bal lo, Amah Melania lawng nih a tuah tiin a rak chim cang kha.  Source-Rainbow

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Trump thaisung nu Melania nih White House a ttam lio ah US Election le Christmas kong a chim mi nih mi lungthin ke kuai in a chia hna"

Leave a comment

Your email address will not be published.


*