Trump thatho tuk cang; US mipi nih ngaih, zoh, theih an duh tuk mi cu tuah asi cang lai

US politic nih ruangah vawlei cung ramdang thawngpang cu thei le rel huam a si ti lo. Tu lio cu Presidential race a linsa tuk caaah ka chim cia bantuk in US thawngpang hi tial/ rel lengmang ko hna u si. Democrat lei nih an rian hmasa bik Vice President thimank cu an dih cang i, tu cu Trump an tei khawhnak ding caah fund kawl le debate tuah a si cang

Democrat lei nih vice President caah kamala Harris, (minak-Jaimaca le India hrinsor) an thim hnuah Mike Pence, Vice President US nih debate tuah zawk zawk u si law, fakpi in Biden le Kamala hi phomh ka duh tuk cang ti a vun chim i, Trump zong nih Debate ah kan zoh lai cu tiin a vun chim ve

American November 3 , 2020 election kong ah thawngpang a linsa ngai mi pakhat cu, America History ah a um bal lo mi, le a voihkhatnak ding caah minak nu Kamala Harris Vice President ding caah Joe Biden nih a thim mi hi a si

Mah bantuk in Democrat lei nih minak Vice president caah an thimnak ruang bik cu, minak tampi vote an hmuh/nga khawhnak ding caah le India mi, US ram ah um mi vote an hmuh khawhnak ding caah a si ti cu fiangtein thei a si. Kamala hi Californai Senator a ttuan lio mi a si i, Democrat lei nih an uar ngai mi pakhat a si ve

Tu cu US mipi nih ngai an duh ngai mi le thei an duh ngai mi le zoh an duh ngai mi pakhat cu Debate hi a si. Mah debate kongah hin Joe Biden cu Trump he Debate tuah lo ding in Democrat lei nih an rak ti cang, natein US president Mee pek hlan ah Debate hi a hertuk mi asi caah 7 October ah Salt Lake City, Utah ah President Trump, Mike Pence le Joe Biden, Kamla Harris hna cu US mipi vialte hmuh khawh ding in debate tuah a si cang lai.

Hillary le Trump debate an rak tuah lio ah kha, Hillary kha CNN ah rian ttuantu pakhat nih bia a hal ding mi kha rak pek cia cang kha, Trump cu zei hman bia haldingmi Question kha a thei lo, natein Debate ah khan Trump nih Hillary kha  tei tuk caah President Trump nih Hillary a tei nak zong kha a si tiah expert pawl nih an chim. Credit-RTK

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump thatho tuk cang; US mipi nih ngaih, zoh, theih an duh tuk mi cu tuah asi cang lai"

Leave a comment

Your email address will not be published.


*