Trump thinhun a celh ti lo, Republican, amah dohtu minung 8 caah mangchia bak si ko cang

President Trump a sum kho bak ti lo, Republican pawl, amah dohtu minung pariat cungah a thinhun ning heh tiah a phuan cang. President Trump bantuk in a voihnihnak election ah vote tam a hmuh chap mi an um lo

Natein tutan 2020 election ah vote million 10 leng kum 2016 in vote a hmuh mi a tam deuh, natein tu tiang election kongah thawngpang fiang a um rih lo, January 6 ah house ah confirm tuah a si te lai

Ma hnuah thawngpang a fiang lai i, Trump nih zeibantuk thil a tuah lai ti cu thei a si te lai. Tu tiang ka sungh ti a chim duh lo. Trump nih a chim ning a cun, Republican minung 8 hna hi keimah ruangah Senator caah thim than an si tiin

Mah republican minung 8 nih heh tiah an doh caah a sum duh ti lo, a lungfak ning a chim ve cang. Trump nih, ” Senator pa 8 hna cu ka kham hna. Mah minung 8 ah Mitch McConnell zong a tel ve

President thimnak ah hlennak tampi a um, election an fir, heh tiah ka doh thluamah lio ah, mah Republican minung 8 lilah nih keimah tu heh tiah an ka doh than

Mah minung pariat nih hin Democrat pawl caah rian an tuan. Mah bantuk in ka cungah an tuah mi hi ka philh kho hrim lai lo” tiin a lungfak ning a phuan. President Trump a lungfak ning hi amah Trump bak nih Twitter le Facebook ah a tial mi a si

Senate Majority Leader Mitch McConnell hi republican lei in Joe Biden cu President elect a si ti a cohlan hmasa bik tu a si.

House ah, Biden cu Elect president a si, electoral pawl nih an thim mi a si caah Republican pawl kha electoral challenge tuah hla u tiah house ah a ti hna

Mah hnuah Mitch McConnell hi Conservative media pawl nih a si ning an phuan piak i, amah hi China ah company a ngei mi a si, Cun anupi hi China a si i, an fa min ah China min an sak ti mi zong langter dih a si (Mah kong hi Chinpage ah fiang tein ka rak tial cang kha)

Be the first to comment on "Trump thinhun a celh ti lo, Republican, amah dohtu minung 8 caah mangchia bak si ko cang"

Leave a comment

Your email address will not be published.


*